ప్రతిరోజు ఏదో ఒక చోట రోడ్డు ప్రమాదాలు జరుగుతూనే ఉన్నాయి.. రోడ్డు ప్రమాదాలకు ప్రధాన కారణం అతి వేగం.. అప్పుడప్పుడు బ్రేకులు ఫెయిల్ అవడం కూడా ఒక రీజన్.. వాహనాల బ్రేకులు పనిచేయకపోతే దానివల్ల జరిగే ప్రమాదాలు ఊహాతీతం.. ఇటీవల ఒక ట్రక్ డ్రైవర్ ఎంతో నైపుణ్యంతో బ్రేకులు పని చేయని ట్రక్కు ను ప్రమాదం జరగకుండా నడిపిన వీడియో సోషల్ మీడియాలో హల్ చల్ చేస్తుంది..! ఈ సంఘటన ఎక్కడ జరిగిందో పూర్తి సమాచారం ఇప్పుడు తెలుసుకుందాం..!
మహారాష్ట్రలోని జల్నా – సిల్లొడ్ రహదారిలో ఈ సంఘటన జరిగింది. బ్రేకులు పనిచేయక పోవడంతో డ్రైవర్ వాహనాన్ని సురక్షితంగా ఆపడానికి రివర్స్ గేర్ లో నెమ్మదిగా నడిపాడు. ఇలా నడుపుతున్నప్పుడు కొంతమంది ఆ ట్రక్కు ను అనుసరిస్తూ ఉండడం మీరు ఈ వీడియోలో చూడచ్చు. వీరిలో కొందరు ఈ పరిస్థితి గురించి ఇతర వాహనదారులను హెచ్చరిస్తూ కొంత కొంత వరకు ట్రాఫిక్ క్లియర్ చేశారు . ఇతర వాహనదారులకు హాని కలగకుండా ట్రక్ నడపడం అంత సులువు కాదు. కానీ ట్రక్ డ్రైవర్ ఇంత కష్టమైన పనిని ఎంతో నైపుణ్యంతో జాగ్రత్తగా నిర్వహించాడు.
సాధారణంగా చిన్న టైర్స్ తో పోలిస్తే పెద్ద టైర్లు వేగంగా వెళ్లేటప్పుడు చాలా సులువుగా రూల్ అవుతాయి. అందువలన ట్రక్ వేగం తగ్గలేదు . చివరకు ట్రక్ డ్రైవర్ ఒక బహిరంగ ప్రదేశాన్ని చూసి స్టీరింగ్ వీల్ను దాని వైపునకు తిప్పాడు. ఈ విధంగా చేయడం వల్ల ట్రక్ వేగం తగ్గింది. ఈ ట్రక్ డ్రైవర్ ఎట్టకేలకు ట్రక్కును నిలిచిపోయేలా చేశాడు. ఈ వీడియో చూస్తున్నంత సేపు ఏం జరుగుతుందో అని ఆశ్చర్యం తో పాటు భయం కూడా మొదలవుతుంది. చివరకు ట్రక్ డ్రైవర్ ఎంతో నేర్పుతో నిర్వహించడం వలన ప్రమాదం నుంచి బయటపడ గలిగారు. అకస్మాత్తుగా బ్రేకులు విఫలం కావడంతో ట్రక్కు డ్రైవర్ రివర్స్ గేర్ లో దాదాపు మూడు కిలోమీటర్ల దూరం నడిపాడు ఎట్టకేలకి అతను ఆ ట్రక్కు ను విజయవంతం గా ఆపాడు.