Pawan kalyan : పవర్ స్టార్ పవన్ కళ్యాణ్ రీ ఎంట్రీ ఇచ్చి వరుసగా 5 సినిమాలను కమిటయిన సంగతి తెలిసిందే వాటిలో ఇప్పటికే వకీల్ సాబ్ వచ్చేసింది. ప్రస్తుతం రెండు సినిమాలు షూటింగ్ దశలో ఉన్నాయి. రెండు సినిమాల షూటింగ్స్ లో పాల్గొంటున్న పవన్ కళ్యాణ్ శరవేగంగా వాటిని పూర్తి చేస్తున్నాడు. మలయాళ సూపర్ హిట్ సినిమా అయ్యప్పనుం కోషియం ముందు రిలీజ్ చేయడానికి సన్నాహాలు జరుగుతున్నాయి. ఈ సినిమాలో రానా దగ్గుబాటి మరొక హీరోగా నటిస్తున్నాడు. పవన్ కళ్యాణ్ సరసన టాలెంటెడ్ హీరోయిన్ నిత్యా మీనన్ నటిస్తుండగా, రానా సరసన ఐశ్వర్య రాజేష్ నటిస్తోంది.
ప్రస్తుతం పవన్ కళ్యాణ్ – నిత్యా మీనన్ ల మీద కీలక సన్నివేశాలను తెరకెక్కిస్తున్నారు. సాగర్ కె చంద్ర దర్శకత్వం వహిస్తున్నాడు. మాటల మాంత్రీకుడు త్రివిక్రం శ్రీనివాస్ స్క్రీన్ ప్లే, డైలాగ్స్ అందించడంతో పాటు దర్శకత్వ పర్యవేక్షకుడిగానూ వ్యవహరిస్తున్నాడు. కాగా ఈ సినిమా నుంచి వచ్చే నెల భారీ సర్ప్రైజ్ ప్లాన్ చేస్తున్నారట. సెప్టెంబర్ 2న పవన్ కళ్యాణ్ బర్త్ డే. ఈ సందర్భంగా ఏకే రీమేక్ సినిమా నుంచి ఓ సాంగ్ వచ్చేలా ఉందట. ఇప్పటికే ఈ సినిమా సాంగ్స్ కంప్లీట్ చేశాడు థమన్. ఇప్పటికే థమన్ ఈ విషయాన్ని వెల్లడించాడు.
Pawan kalyan : సాంగ్ కంటే ముందే టీజర్ వదిలే అవకాశాలున్నాయట.
అయితే సాంగ్ కంటే ముందే టీజర్ వదిలే అవకాశాలున్నాయట. దీనిపై అధికారక ప్రకటన ఇంకా రానప్పటికీ ఇండస్ట్రీ వర్గాలలో మాత్రం ఇది హాట్ టాపిక్గా ఉంది. ఈ సినిమాను పిడివి ప్రసాద్ సమర్పణలో సితార ఎంటర్టైన్మెంట్స్ బ్యానర్ పై సూర్య దేవర నాగవంశీ భారీ బడ్జెట్ తో నిర్మిస్తున్నాడు. 2022 12 సంక్రాంతి పండుగ సందర్భంగా భారీ స్థాయిలో పోటీ ఇవ్వడానికి ఈ సినిమా సిద్దమవుతోంది. ఇక ఏ.ఎం.రత్నం దర్శకత్వంలో రూపొందుతున్న పీరియాడికల్ సినిమా హరి హర వీరమల్లు కూడా శరవేగంగా షూటింగ్ సాగుతుండగా, 2022 సమ్మర్ కానుకగా రిలీజ్ చేసేందుకు ప్లాన్ చేస్తున్నారు. క్రిష్ ఈ సినిమాకి దర్శకుడు.