సహనం అంటే అనుకున్నది ఏదైనా ఆలస్యం అయినా అది అయ్యే వరకు వేచి ఉండటం అన్నమాట. అయితే, ఈ సహనం మనలో ఎంత మంది కి ఉంది ?నిజానికి సహనం గురించి లోతుగా అలోచించి నిజమైన అర్థం తెలుసుకుని దాన్ని అవలంభిస్తే అద్భుతాలు జరుగుతాయి. అంత శక్తిమంతమైనది సహనం.
ప్రాక్టికల్‌గా చూస్తే.. మనల్ని ఎవరైనా తిడుతున్నప్పుడు సహజంగా నే కోపం వచ్చేస్తుంది.తిట్టిన వారి పైన దాడి చేయడ మో, తిరిగి నిందించడమో చేసేస్తాం . అయితే, ఆ ఒక్క క్షణం ఓపిగ్గా ఆలోచిస్తే తిట్టినవారిని పట్టించుకోకపోతే, ఆ మాటల్ని మనస్సులోకి తీసుకోకపోతే.. అప్పుడే సహనం విలువేంటో మనకు తెలుస్తుంది. మౌనం తో పాటు సహనం కలిస్తే అద్భుతాలే జరుగుతాయి.చెప్పినంత తేలిక కాకపోవచ్చు.. కానీ ప్రయత్నం చేస్తే సాధ్యం కానిది అంటూ ఏది ఉండదు.
ఇంటిలో పొద్దున్న నుండి రాత్రి వరకు ఎన్నో ఒత్తిళ్లతో ,ఆందోళనతో గడుపుతున్నాం… ఇంచుమించు ఇంటిలో అందరి పరిస్థితి ఇదే.. అయితే ఇంటిలో ఎవ్వరైనా ఒక్కరు విసుక్కోగానే రెండో వారు నెమ్మదిగా శాంతం గా వారికీ విషయాన్ని వివరించ గలిగితే అక్కడ ప్రశాంతత ఉంటుంది.. అదే రెండొవ వ్యక్తి కూడా అరిస్తే పెద్ద పెద్ద గొడవలకు దారితీయవచ్చు,అది ఎంతవరకైనా వెళ్ళవచ్చు… పరిస్థితి ఎప్పుడు మీ అదుపులో ఉండాలంటేసహనం గా ఉండడం చాల అవసరం అని గుర్తుపెట్టుకోవాలి.
కొత్త వ్యాపారాలు,కొన్ని కొన్ని పనులు,కొందరి మనుష్యులలో మార్పు,పరిస్థితులలో మార్పు ఇలా ప్రతి దానికి సమయం పడుతుంది… గర్భం వచ్చాక నెలలు నిడినతర్వాత మాత్రేమే బిడ్డ పుడతాడు కానీ బిడ్డలు కోసం ఎన్నో ఏళ్లుగా తపిస్తున్నారుకదా అని వెంటనే బిడ్డ పుట్టనట్టుగా ప్రతి పనికి ఆ సమయం కోసం సహనం గా ఎదురు చూడవలిసిందే కానీ తొందరపడటం వలన ఎలాంటి ప్రయోజనం ఉండదని గుర్తుపెట్టుకోవాలి.
సహనం తో సమయం కోసం ఎదురుచూడడం వలన ఎన్నో అద్భుతాలు పొందుతాము.. ఎంత ప్రతిభ ఉన్నకూడా ఒక గొప్ప వ్యక్తిగా ఎదగాలన్నా, అవకాశాలను చేజిక్కించుకోవాలన్నా సహనం తో ఉండడం ఒక్కటే మార్గం
