పర్ఫామెన్స్ వీక్ అయినప్పుడే ప్రచారం పీక్ అని ఆగడు అనే సినిమాలో ఒక పంచ్ డైలాగ్ ఉంది.ఇది పూర్తిగా చిలకలూరిపేట వైసిపి ఎమ్మెల్యే విడదల రజనికి వర్తిస్తుందని రాజకీయ పరిశీలకులు సెటైర్లేస్తున్నారు.
పూర్వాశ్రమంలో తెలుగుదేశం పార్టీకి చెందిన రజని ఆఖరి నిమిషంలో వై.సీ.పీ లో చేరి అదృష్టవశాత్తూ చిలకలూరిపేట ఎమ్మెల్యే అయిపోయారు.తెలుగుదేశంపార్టీ లో ఉండగా ఆమె ప్రచార జిమ్మిక్కులను బాగా వంటబట్టించుకున్నారు.సోషల్ మీడియాను వాడుకోవడం ఆమెకు వెన్నతో పెట్టిన విద్యగా మారింది. ఎమ్మెల్యే కూడా అయిపోవడంతో ఆమె రోజు సోషల్ మీడియాలో ఉండటానికి అలవాటు పడిపోయారు.ఇందులో భాగంగా ఆమె ప్రతిరోజూ కొన్ని స్టిక్కర్లను ఫేస్బుక్కులో ఇతర సోషల్ మీడియాలో పోస్టు చేస్తున్నారు.
అవే ఇప్పుడు విమర్శలకు దారితీస్తున్నాయి.స్థానికంగా సమస్యలు ఎన్నో ఉన్నా.. సీఎం జగన్ ఏ పథకం.. ప్రాజెక్ట్ ప్రకటించినా అందులో తన ఫొటో.. జగన్ ఫొటో వేసుకొని ఏకంగా స్టిక్కర్లను విడుదల చేసుకొని సోషల్ మీడియాలో హోరెత్తించడం ఈమె తీరు గా మారిపోయిందని విమర్శలు వెల్లువెత్తుతున్నాయి చిలకలూరిపేట నియోజకవర్గానికి ఏమాత్రం సంబంధం లేని కడప స్టీల్ ప్లాంట్ ప్రారంభోత్సవం అయినా..విజిలెన్స్ ఇంటెలిజెన్స్ విభాగం ఏర్పాటైనా ఆమె స్టిక్కర్ విడుదల చేయటం పరిపాటిగా మారిపోయింది.ఇందుకోసం ఆమె ప్రత్యేకంగా ఓ టీం ఏర్పాటు చేసుకొన్నారట. నిజానికి ఆమె ప్రాతినిత్యం వహించే చిలకలూరిపేట నియోజకవర్గం అనేక సమస్యలు ఎదుర్కొంటోంది.
రోడ్లు అధ్వాన్నంగా ఉన్నాయి తాగునీటి ఎద్దడి నెలకొనిఉంది .నియోజకవర్గానికి ఇఎస్ఐ ఆసుపత్రిని తెప్పిస్తానన్న ఆమె హామీ అలాగే ఉండిపోయింది .చెప్పుకోవడానికి ఒక్క పెద్ద పరిశ్రమ కూడా లేదు.ఉపాధి అవకాశాలు లేవు కరోనా తో జనం అల్లాడిపోతున్నారు.ఇవన్నీ గాలికొదిలేసి రజని ప్రచార గారడీ చేస్తున్నారని విమర్శలు వస్తున్నాయి.లోకల్ సమస్యలను వదిలేసి ఆమె రాష్ట్రంలోని సమస్యలపై ఫోకస్ చేస్తూ వాటి మీద పోస్టర్లు వేసుకుంటున్న వైనం నియోజకవర్గం లో హాట్ టాపిక్ అయింది! ఆమె ఫొటోలకు ఫోజులివ్వడంలో చూపుతున్న శ్రద్ధను ప్రజా సమస్యలపై పెట్టడం లేదని వైసీపీ వర్గాలు చెవులు కొరుకుంటున్నాయి.
చిలకలూరిపేట నియోజకవర్గంలో మాజీ ఎమ్మెల్యే మర్రి రాజశేఖర్ ని కాదని జగన్ అప్పటి రాజకీయ కారణాల వల్ల రజని కి ఎమ్మెల్యే టిక్కెట్ ఇవ్వగా ఆ గాలి లో ఆమె గెలిచింది! మొదటిసారి ఎమ్మెల్యే కాగానే మంత్రి పదవి మీద కూడా మోజు పెంచుకున్న రజని అందుకు అనుగుణంగా ప్రచారాన్ని తీవ్రస్థాయిలో నిర్వహిస్తోంది.అయితే అదే ఆమెకు పెద్ద మైనస్ కాబోతుందని వైసీపీ వర్గాలు చెప్తున్నాయి.ఇప్పటికే రజనీ కేవలం షో మాస్టర్ అని జగన్ కు నివేదికలు వెళ్లినట్లు కూడా సమాచారం.ఏం జరుగుతుందో వేచి చూద్దాం!