Rice cleaner: మన భారతీయ సంప్రదాయంలో ఎన్నో నిషేధాలు మరెన్నో విశ్వాసాలు ఉన్నాయి. ఎటువంటి ఆధునిక పరిజ్ఞానం లేని ఆ కాలంలోనే మన పూర్వికులు ఎన్నో విషయాలను తెలుసుకుని కొన్ని విధానాలను మనకు పరిచయం చేసారు. వాటిలో ఉపయోగం ఉండడంతో ఆ ఆచారాలు తరం తరువాత తరానికి చేరాయి. మనం ఇప్పటికి కొన్ని ఆచారాల వెనుక ఉన్న మర్మం అర్ధం తెలియకపోయినా ఆచరిస్తూనే ఉన్నాం. అయితే అప్పటిలో మన పెద్దలు పెట్టిన ప్రతి ఆచారంలోనూ ప్రతి నిషేధంలోనూ కచ్చితంగా ఏదొక రహస్యం దాగి ఉండేది. ఆ కోవలోకి చెందినదే చాట Rice cleaner పై పాదం మోపరాదు అన్న నిషేధం కూడా ….
చాటను వెదురుతో కానీ ఈనెల తో కానీ అల్లేవారు. ఇటువంటి చాటను మాత్రమే ధాన్యాన్ని చేరగడానికి వాడేవారు. ధాన్యంలో ఉన్న పొట్టు చేరగడం వలన వంటకు వాడే ధాన్యం శుభ్రపడుతుంది. భారతీయులు ప్రతి వస్తువుని ఎంతో పవిత్రంగా భావించేవారు. అలాగే చాటను కూడా పవిత్రంగా భావించేవారు. అప్పటిలో చాట పై కాలు పెట్టడం పాపంగా భావించేవారు. కాబట్టి ఈ నియమాన్ని అప్పటిలో అందరూ కచ్చితంగా ఆచరించేవారు.
ఈ విశ్వాసంలో రెండు ప్రధానాంశాలు దాగి ఉన్నాయి. మొదటిది ఏమిటంటే చాట అల్లడానికి వాడిన వెదురు కానీ ఈనెలు కానీ పదునుగా ఉంటాయి. కాబట్టి చాట మీద కాలు పెట్టినప్పుడు కాలికి దెబ్బతగిలి రక్తం వచ్చే అవకాశం ఉంది. రెండవది శుభ్రతకు సంబందించినది. పాపభీతి తో చాటపై కాలుపెట్టడానికి సందేహిస్తారు. కాబట్టి చాట శుభ్రంగా ఉండడమేకాక, చాటలో చెరిగినప్పుడు ధాన్యం కూడా ఎంతో శుభ్రంగా ఉంటుంది. దీని బట్టి మన పూర్వికులు చెప్పిన ప్రతి మాటలో ప్రతి నమ్మకాలలో శాస్త్రీయమైన దాగి ఉన్నదని గమినించవచ్చు .
ఈ న్యూస్ ని మీ వాట్సాప్ మరియు ఫేస్ బుక్ లో ఉన్న ఫ్రండ్స్ అందరితో షేర్ చెయ్యండి. కిందనే ఉన్న షేర్ బటన్ ఉపయోగించి వెంటనే వారికి షేర్ చెయ్యండి.
