Face Packs: శీతాకాలం వస్తూనే అనేక ఆరోగ్య సమస్యలు వెంట తెచ్చుకుంటుంది.. ఈ సీజన్ లో జలుబు, దగ్గు వస్తుంది. ఈ వాతావరణానికి చర్మం పొడిబారటం, పగలటం ఎక్కువగా ఉంటుంది.. అందువలన మన చర్మ తత్వాన్ని అనుసరించి ఈ కాలంలో ఫేస్ ప్యాక్ వేసుకోవాలి. ఏ స్కిన్ టోన్ కి ఎలాంటి ఫేస్ ప్యాక్ వేసుకోవాలో ఇప్పుడు చూద్దాం..!!
డ్రై స్కిన్ కోసం..
అన్ని రకాల చర్మతత్వాల వారికి శెనగపిండి నప్పుతుంది. రెండు టేబుల్ స్పూన్ల శెనగపిండి, ఒక స్పూన్ పెరుగు, ఒక స్పూన్ తేనె, చిటికెడు పసుపు కలిపి మిశ్రమంలా తయారు చేసుకోవాలి. ఇలా తయారు చేసుకున్న ప్యాక్ ను ముఖానికి, మెడకి అప్లై చేసి అరగంట తర్వాత గోరు వెచ్చని నీటితో కడిగేసుకోవాలి. ఇది చర్మం పొడిబారకుండా తాజాగా ఉంచుతుంది.
నార్మల్ స్కిన్..
ఒక స్పూన్ శెనగపిండి, ఒక స్పూన్ రోజ్ వాటర్, కొద్దిగా పసుపు కలపాలి. ఈ ప్యాక్ ను ముఖానికి అప్లై చేసి 10 నిమిషాల తర్వాత చల్లటి నీటితో కడిగేసుకోవాలి. ఇది నార్మల్ స్కిన్ టోన్ వారికి చక్కగా పనిచేస్తుంది. శరీరానికి కావలసిన తేమను అందిస్తుంది. చర్మం పొడిబారకుండా, చర్మ సమస్యలు రాకుండా చేస్తుంది.
ఆయిల్ స్కిన్..
రెండు టేబుల్ స్పూన్లు నిమ్మరసం లో ఒక స్పూన్ తేనె కలపాలి. ఈ మిశ్రమాన్ని ముఖానికి రాసుకుని అరగంట తర్వాత గోరు వెచ్చని నీటితో స్నానం చేయాలి. ఈ ప్యాక్ ముఖం పై ఉన్న జిడ్డును తొలగిస్తుంది. ముఖాన్ని కాంతివంతంగా చేస్తుంది. చలికాలంలో చర్మాన్ని మృదువుగా చేస్తుంది. ఈ సీజన్ లో వచ్చే స్కిన్ ప్రాబ్లమ్స్ ను తగ్గించేందుకు దోహదపడుతుంది. మీ చర్మ తత్వాన్ని అనుసరించి ఈ ప్యాక్స్ వేసుకోండి. చక్కటి ఫలితాలు కనిపిస్తాయి.