Israel: దాదాపు 12 సంవత్సరాల పాటు ఇజ్రాయిల్ ప్రధానమంత్రిగా బెంజమిన్ నెతన్యాహు కొనసాగారు. అటువంటిది ఆయన ఇటీవల జరిగిన ఎన్నికలలో మ్యాజిక్ ఫిగర్ అందుకోలేక చతికిల పడ్డారు. ఇటువంటి తరుణంలో ఇజ్రాయేల్ పార్లమెంటులో నేసెట్ లో 120 స్థానాలు ఉండగా లెఫ్ట్ వింగ్ రైట్ వింగ్ భిన్న సిద్ధాంతాలు కలిగిన పలు పార్టీలు కూటమిగా ఏర్పడయి. నఫ్తాలి బెన్నెట్ అనే వ్యక్తి లెఫ్ట్ వింగ్ పార్టీలతో జత కలిసి ప్రభుత్వాన్ని ఏర్పాటు చేశారు. మ్యాజిక్ ఫిగర్ 60 దాటడంతో ఆదివారం ఇజ్రాయెల్ దేశంలో ఇజ్రాయిల్ పార్లమెంట్ నేసెట్ నఫ్తాలి బెన్నెట్ ని ప్రధానిగా ఎన్నుకోవడం జరిగింది.
ఈ సందర్భంగా ఆదివారం ఇజ్రాయెల్ నూతన ప్రధానమంత్రిగా ప్రమాణ స్వీకారం చేసిన నఫ్తాలీ బెన్నెట్.. తనతోపాటు 27 మంది మందిని మంత్రులుగా తీసుకుని వారి చేత ప్రమాణం చేయించారు. వీరిలో తొమ్మిది మంది మహిళలు ఉన్నారు. అంతమాత్రమే కాకుండా మొట్టమొదటిసారి ఇజ్రాయేల్ దేశం ఏర్పడ్డాక తాజాగా కొత్త ప్రభుత్వం ఏర్పడిన దానిలో అరబ్బు పార్టీ భాగస్వామ్యం కావడం విశేషం.
Read More: Israel: మిడిల్ ఈస్ట్ లో సరికొత్త రాజకీయ వాతావరణం ..ఇజ్రాయెల్ కి దూరంగా అమెరికా..??
నఫ్తాలీ బెన్నెట్ గతంలో బెంజమిన్ నెతన్యాహు నాయకత్వంలో మంత్రిగా పని చేయడం జరిగింది. ఆ తర్వాత ఆయన్ని వ్యతిరేకించి ఇటీవల జరిగిన ఎన్నికలలో పాల్గొని .. ఇజ్రాయెల్ దేశం లో ప్రభుత్వం ఏర్పడటానికి కీలక పాత్ర పోషించి ప్రధానమంత్రిగా ఎన్నికయ్యారు. నఫ్తాలీ బెన్నెట్ ప్రధాని కావటంతో అమెరికా అధ్యక్షుడు జో బైడాన్ అభినందించారు. అమెరికా ఇజ్రాయిల్ బంధం మరింత బలోపేతం అయ్యేలా కలిసి పనిచేయాలని కోరారు. ఈ పరిణామంతో మిడిల్ ఈస్ట్ లో కొత్త రాజకీయ వాతావరణం అలుముకుంది.
