రివ్యూ : సోలో బ్రతుకే సో బెటర్..!

సోలో బ్రతుకే సో బెటర్ రివ్యూ

సోలో బ్రతుకే సో బెటర్ రివ్యూ .. కరోనా వైరస్ దెబ్బకు మార్చిలో థియేటర్లు మూత పడిన తర్వాత తెలుగు ఇండస్ట్రీ నుండి థియేటర్లలో విడుదలైన తొలి పెద్ద సినిమా ‘సోలో బ్రతుకే సో బెటర్‘. సుప్రీం హీరో సాయి ధరమ్ తేజ్, నభా నటాష్ జంటగా నటించిన ఈ చిత్రానికి సబ్బు దర్శకత్వం వహించాడు. తమన్ సంగీత సారథ్యం వహించిన ఈ చిత్రాన్ని బీవీఎస్ఎన్ ప్రసాద్ నిర్మించారు యూత్ ను ఆకట్టుకున్న టీజర్ ప్రోమో లు చూసి థియేటర్ కి వచ్చిన వారికి సినిమా వెండి తెరపై న్యాయం చేసిందో లేదో చూద్దాం…

కథ :

విరాట్ (సాయి ధరమ్ తేజ్) పెళ్లి అనే కాన్సెప్ట్ కి ఎంత దూరం గా ఉంటాడు. రాజ్యాంగం అతనికి ఇచ్చిన స్వేచ్ఛకు ప్రేమ, పెళ్లి అనేటువంటి బంధాలు అడ్డుపడకుండా జీవితాన్ని ఫుల్ గా ఎంజాయ్ చేయాలని ఎప్పటినుంచో డిసైడ్ అయిపోయి ఉన్నాడు. అంతేకాకుండా ప్రేమలో ఉన్న వారిని కూడా విడదీస్తూ ఉంటాడు. ఆర్ నారాయణ మూర్తి గారిని స్ఫూర్తిగా తీసుకొని తన జీవితం మొత్తం సింగిల్ గానే ఉండిపోదాం అని ఫిక్స్ అయి ఉండే అతనికి అతని అంకుల్ రావు రమేష్ సపోర్ట్ చేస్తాడు. అయితే అతనికి హైదరాబాద్ లోని ఒక ఈవెంట్ మేనేజ్మెంట్ కంపెనీ లో ఉద్యోగం వస్తుంది. అదే సమయంలో వెన్నెల కిషోర్ తో చివరి నిమిషంలో పెళ్లి క్యాన్సిల్ చేసుకున్నఅమృత (నభా నటాష్) విరాట్ తో ప్రేమలో ఉన్నానని చెబుతోంది. ఇక అప్పుడు అసలు కథ మొదలవుతుంది అసలు అమృత ఎవరు? ఆమె పెళ్లి, ప్రేమ అంటే ఆమడ దూరంలో ఉండే విరాట్ కు ఎందుకు ప్రపోజ్ చేసింది? ఆమె వల్ల విరాట్ పెళ్లి పై తన ఉద్దేశాన్ని మార్చుకున్నాడా? విరాట్ జీవితంలో అమృత ఎలాంటి పాత్ర పోషిస్తుంది అన్న ప్రశ్నలన్నింటికీ సమాధానాలు దొరకాలంటే సినిమా చూడాల్సిందే…

ప్లస్ లు

సాయి ధరమ్ తేజ్ నటన
ఫస్ట్ హాఫ్ లో కామెడీ
రావు రమేష్ పండించిన ఎమోషన్స్
డైలాగ్లు, బ్యాక్గ్రౌండ్ మ్యూజిక్

మైనస్ లు

రొటీన్ గా ఉండే సెకండ్ హాఫ్
పెద్దగా ఫన్ లేని రెండవ భాగం
వీక్ క్లైమాక్స్
బోర్ కొట్టించే రిపీటెడ్ సీన్లు

విశ్లేషణ

ఒక రకంగా చెప్పాలంటే ‘సోలో బ్రతుకే సో’ బెటర్ సినిమా మా లోని సబ్జెక్ట్ని డీల్ చేయాలంటే చాలా టాలెంట్ కావాలి. ఇక అలాంటి సబ్జెక్టును ఎంచుకున్నప్పుడు లాజిక్ విషయంలో, ఎమోషన్స్ విషయంలో చిన్న పొరపాటు జరిగినా అవి పెద్ద నష్టానికి దారి తీస్తాయి. ఇక ఈ సినిమాను రెండు భాగాలుగా విడదీసి విశ్లేషించవచ్చు. మొదటి భాగం అంతా ఎంటర్టైనింగ్ గా ఉంటుంది. ఇక రెండవ భాగంలో మాత్రం ప్రేక్షకులు ఊహించిన కమర్షియల్ ఫార్ములాతో సినిమాను నడిపిస్తారు. దీంతో సబ్జెక్ట్ పైన ఉండే ఆసక్తి క్రమంగా తగ్గిపోతుంది. అంతేకాకుండా కొన్ని ఎమోషన్స్ చాలా బలవంతంగా కథలోకి జొప్పించినట్లు ఉన్నాయి. కామెడీ పర్వాలేదనిపించింది. సాయి ధరమ్ తేజ్ నటన మెచ్చుకోవచ్చూ. కోవిడ్ రిస్క్ చేసి థియేటర్లకు వెళ్లిన వారికి పూర్తి సంతృప్తిని ఇచ్చే సినిమా అయితే కాదు అనే చెప్పాలి.