Supreme Court: బీజేపీ బహిష్కృత నాయకురాలు నువూర్ శర్మ తన నోటి దురుసుతో మహమ్మద్ ప్రవక్తను కించపరిచి దేశాన్ని అస్థిరంగా మార్చారనీ, ఈ మొత్తానికి ఆమె ఒక్కరే బాధ్యలంటూ సుప్రీం కోర్టు ధర్మాసనం తీవ్ర వ్యాఖ్యలు చేసిన సంగతి తెలిసిందే. వివిధ రాష్ట్రాల్లో నమోదు అయిన కేసులను తన భద్రత దృష్ట్యా ఢిల్లీకి మార్చే విధంగా ఆదేశాలు ఇవ్వాలని నుపూర్ శర్మ పిటిషన్ ను సుప్రీం ధర్మాసనం తిరస్కరిస్తూ సంచలన వ్యాఖ్యలు చేసింది. అయితే ఆ సందర్భంలో న్యాయమూర్తులు చేసిన వ్యాఖ్యలపై తీవ్ర అభ్యంతరాలు వ్యక్తం అవుతున్నాయి.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
ఈ అంశంలో సుప్రీం న్యాయమూర్తులు తమ లక్ష్మణ రేఖ దాటినట్లు పలువురు మాజీ న్యాయమూర్తులతో పాటు సాయుధ దళాల అధికారులు, బ్యూరోక్రాట్లు అభిప్రాయపడ్డారు. ఈ మేరకు సుప్రీం కోర్టు ప్రధాన న్యాయమూర్తికి బహిరంగ లేఖ విడుదల చేశారు. దీనిపై 117 మంది సంతకాలు చేశారు. జస్టిస్ సూర్యకాంత్, జస్టిస్ జేబీ పార్ధివాలా చేసిన వ్యాఖ్యలు ప్రజాస్వామ్య విలువలు, దేశ భద్రత పట్ల తీవ్ర పరిణామాలు చూపిస్తాయి కనుక సత్వర దిద్దుబాటు చర్యలు అవసమని వారు లేఖలో పేర్కొంటూ పలు కీలక అంశాలను ప్రస్తావించారు. వివిధ రాష్ట్రాల్లో నమోదు అయిన కేసులను ఒకే ప్రాంతంకు మార్చే అంశంపై నిర్ణయాధికారం హైకోర్టులకు ఉండదని తెలిసినా హైకోర్టును ఆశ్రయించాలని సుప్రీం కోర్టు ధర్మాసనం పేర్కొనడాన్ని వారు తప్పుబట్టారు.
ఓ పక్క వీరు సుప్రీం కోర్టు ప్రధాన న్యాయమూర్తికి లేఖ విడుదల చేయగా, మరో పక్క ఈ రోజు తెలంగాణ హైకోర్టు న్యాయవాదులు ఆందోళన చేపట్టారు. సుప్రీం కోర్టు న్యాయమూర్తులు జస్టిస్ సూర్యాకాంత్, పార్ధివాలా పై అభిశంస తీర్మానం పెట్టాలని డిమాండ్ చేశుర. ఆ న్యాయమూర్తులను సస్పెండ్ చేయాలంటూ నినాదాలు చేశారు. ఈ మేరకు ప్రధాని మోడీ, రాష్ట్రపతి, కేంద్ర న్యాయశాఖ మంత్రులకు తెలంగాణ న్యాయవాదులు లేఖ రాశారు.
