Guppedantha manasu serial March 14th: ప్రస్తుతం స్టార్ మాలో టాప్ టిఆర్పి రేటింగ్ తో కొనసాగుతున్న సీరియల్స్ లో గుప్పెడంత మనసు ఒకటి. ఈ సీరియల్లో నటించే ప్రతి యాక్టర్ కి కూడా మంచి ప్రశంసలు దక్కాయి. ఇక ఇటీవలే ఈ సీరియల్ నుంచి రిషి అలియాస్ ముఖేష్ గౌడ తప్పుకున్న సంగతి తెలిసిందే. ఇక ఈయన గుప్పెడంత మనసు సీరియల్లో కనిపించినప్పుడు ఎంత మాట్లాడుకున్నారో తెలీదు కానీ అలా సీరియల్ నుంచి తప్పుకున్నాడో లేదో ఈయన గురించి అనేక వార్తలు షికారు చేస్తున్నాయి.
గుప్పెడంత మనసు సీరియల్ కి ముఖేష్ హార్ట్ అని చెప్పొచ్చు. ఒకపక్క వసుధారతో లవ్ ట్రాక్ తో పాటు మరోపక్క జగతి తో తల్లి ట్రాక్ నడుపుతూ మంచి ఫేమస్ అయ్యాడు. ఇక ఓక్కసారిగా ఈ సీరియల్ నుంచి రిషి పాత్ర తప్పుకోవడంతో ప్రతి ఒక్కరు నిరాశకు గురయ్యారనే చెప్పొచ్చు. ఇక వసుధార మరియు రిషి మధ్య ఉండే సీన్స్ కి ప్రతి ఒక్కరు ఫిదా అవ్వాల్సిందే. అంత బాగుంటాయి మరి.
వీరిద్దరూ పండించే లవ్ ట్రాక్ అంతా ఇంతా కాదు. ఇక తమ స్క్రిప్ట్ ఏదైనా కావచ్చు కానీ గుప్పెడంత మనసు సీరియల్ నుంచి రిషి తప్పుకోవడంతో ఈ సీరియల్ పై ప్రతి ఒక్కరు విమర్శలు చేయడం మొదలుపెట్టారు. సీరియల్ స్క్రిప్ట్ ని సరిగ్గా రూపొందించడం రాదా అంటూ మండిపడ్డారు కూడా. ఇక ఈ సీరియల్ నుంచి రిషి ఎందుకు తప్పుకున్నాడో ఎవ్వరు నోరు మెదపడం లేదు కానీ.. రిషి రాక కోసం జనాలు ఎంతో ఈగర్ గా వెయిట్ చేస్తున్నారు.
రిషి లేని గుప్పెడంత మనసు చూడలేమంటూ పశ్చాత్తాప పడుతున్నారు. ఇక రిషి మరో మూడు నెలల్లో ఎక్కడున్నా వెతికి తీసుకొస్తానని శపథం చేసింది వసుధర. సీరియల్ కథనం ప్రకారం మూడు నెలలు అన్నారంటే రిషి రి ఎంట్రీకి ఈ మూడు నెలలకు ఏదో లింక్ ఉండే ఉంటుంది. ఇక ప్రస్తుతం వసుధార మరియు ఏదో కొత్త ట్రాక్ నడవనున్నట్లు తెలుస్తుంది. మరి ఈ ట్రాక్ ఏంటో చూస్తేనే కానీ తెలియదు.