Alopecia: గుండ్రని నిర్ణీత స్థలంలో వెంట్రుకలు పూర్తిగా పోయి నున్న పడటాన్ని పేనుకొరుకుడు అంటారు.. అయితే చాలా మంది పేను వచ్చి కొరకడం వలన వచ్చింది అని అనుకుంటారు.. అయితే ఇది నానుడి మాత్రమే.. ఇది ఒక రకమైన ఎలర్జీ అని డాక్టర్స్ చెబుతున్నారు.. పేనుకొరుకుడు కు ఆయుర్వేదంలో చక్కటి పరిష్కారం ఉంది.. అది తెలుసుకొని పాటిస్తే.. ఈ సమస్యను శాశ్వతంగా చెక్ పెట్టవచ్చు..!!
Alopecia: పేనుకొరుకుడు తగ్గడానికి ఈ మందు వాడండి..!!
అతిమధురం 100 గ్రాములు, సుగంధపాల 100 గ్రాములు, ఉసిరికాయ చూర్ణం 100 గ్రాములు, శతావరి చూర్ణం 100 గ్రాములు, అశ్వగంధ చూర్ణం 100 గ్రాములు, పటిక బెల్లం 500 గ్రాములు. ఈ పదార్థాలన్నింటినీ సేకరించి అన్నింటిని కలుపుకోవాలి. ఇలా తయారు చేసుకున్న మిశ్రమాన్ని ఒక గాజు సీసాలో నిల్వ చేసుకోవాలి. ప్రతి రోజు ఉదయం, మధ్యాహ్నం, రాత్రి భోజనానికి అరగంట ముందు ఒక స్పూన్ పొడిని ఒక గ్లాసు గోరువెచ్చని నీటిలో, ఆవు పాలు లో కలిపి తాగాలి. మందులు తీసుకుంటూ కింద చెప్పబోయే లేపనం కూడా రాసుకోవాలి.
Alopecia: పేనుకొరుకుడు ఉన్నచోట ఇది రాయండి..
ఉమ్మెత్త ఆకు రసం 100 గ్రాములు, గుంటగలగర ఆకు రసం 100 గ్రాములు, పిచ్చికుసుమ ఆకు రసం 100 గ్రాములు, దొండ ఆకు రసం 100 గ్రాములు, మందార పువ్వుల రసం 100 గ్రాములు, మిరియాలు 10 గ్రాములు, పిప్పళ్ళు 10 గ్రాములు, పచ్చ కర్పూరం 10 గ్రాములు, వేప నూనె 300 మిల్లీలీటర్లు.
వేప నూనెలో పైన చెప్పుకున్న అన్ని పదార్థాలను వేసి నూనె మాత్రమే మిగిలే వరకు మరిగించాలి . దీనిని ఒక సీసా లోకి వడపోసుకోవాలి. ప్రతిరోజు ఈ నూనెను పేనుకొరుకుడు ఉన్నచోట రాయాలి. ఇలా వరుసగా 40 రోజులు చేస్తే పేనుకొరుకుడు పోయి కొత్త వెంట్రుకలు మరలా వస్తాయి.