Puffy Bags: కంటి కింద వాపులు కొంత మందికి తరచూ వస్తూ ఉంటాయి.. కళ్ళు కనురెప్పలపై వాటి చుట్టూ ఉన్న కణజాలం లో నీరు ఉన్నప్పుడు అవి వాపునకు గురవుతాయి.. కంటి పైన లేదా కింద రెప్పలు పై వాపు వస్తే చాలా అసౌకర్యంగా ఉంటుంది.. తరచుగా కంటి కింద వాపు వస్తూ ఉంటే ఈ జాగ్రత్తలు ఖచ్చితంగా తీసుకోవాలి..!! అవేంటో ఇప్పుడు చూద్దాం..!!
Puffy Bags: కంటి కింద వాపు తగ్గడానికి ఈ టిప్స్ పాటించండి..!!
శరీరంలో నీరు ఎక్కువగా ఉండటం వలన డీహైడ్రేషన్ అలర్జీ వంటి కారణాల వలన కంటి కింద వాపులు వస్తాయి.. కనీసం రోజుకి మూడు నుంచి నాలుగు లీటర్ల నీటిని తాగాలి. లేదంటే ఖచ్చితంగా ఎనిమిది గ్లాసుల నీటిని తాగాలి. నీరు తాగటం ఇష్టం లేకపోతే కొబ్బరి బొండం నీళ్ళు తాగవచ్చు. లిక్విడ్స్ ఎక్కువగా ఉండే ఫ్రుట్స్ ను తీసుకోవాలి. పుచ్చకాయ , కర్బూజా, కీరదోస వంటి వాటిని తరచూ తింటూ ఉండాలి.
తగినంత నిద్ర పోక పోయినా, నిద్రలేమి సమస్యతో బాధపడుతున్న వారిలో కూడా ఈ సమస్య వేధిస్తూ ఉంటుంది. అందువలన ఈ ఎంత బిజీ షెడ్యూల్ లో ఉన్నప్పటికీ నిర్ణీత సమయాన్ని ఫిక్స్ చేసుకొని ఆ టైం లో నిద్రపోయేలా చూసుకోవాలి. కనీసం రోజుకి 7 నుంచి 8 గంటలు నిద్ర కు కేటాయించాలి. రాత్రి నిద్రించే ముందు ఫోన్, టీవీ చూడకూడదు. ఆ స్క్రీన్ కంటి మీద పడి అలసటకు గురిచేస్తుంది.
ఒత్తిడి డిప్రెషన్ తో బాధపడుతున్న వారిలో కూడా కళ్ళకింద వాపులు వస్తాయి. సాధ్యమైనంతవరకు అనవసరమైన ఆలోచనలు ఆలోచించకుండా ఉండాలి. ఒత్తిడికి గురి చేసే ఆలోచనలకు దూరంగా ఉండాలి. మనసు ప్రశాంతంగా ఉండేలా చూసుకోవాలి. ప్రాణాయామం, యోగా , సూర్య నమస్కారాలు, ప్రకృతిలో కాసేపు గడపటం, నడవడం వంటివి చేయటం వలన ఈ సమస్య తరచు విధించకుండా ఉంటుంది.
కళ్ళ వాపులు ఉన్నప్పుడు చల్లటి నీటితో ప్రతి నాలుగు గంటలకు ఒకసారి కడుగుతూ ఉండాలి. కళ్ళపై కీరదోస పెట్టుకోవాలి. రోజు వాటర్ కాటన్ ను కళ్ళ మీద పెట్టుకొని ఉంచాలి కళ్ళు సేద తిరుతాయి. సిట్రస్ పండ్లను ఎక్కువగా తీసుకోవాలి. విటమిన్ సి ఎక్కువగా ఉండే ఆహారం, పండ్లు తినాలి. కూరగాయలను మీ డైట్ లో భాగంగా చేసుకోవాలి.
