Bad Breath: దంత ఆరోగ్యం బాగుంటే అనేక ఆరోగ్య సమస్యలు రావని నిపుణులు చెబుతున్న మాట.. సాధారణంగా మనం ఎదుర్కొనే సమస్యలు నోటి దుర్వాసన ఒకటి.. రోజుకు రెండు సార్లు బ్రష్ చేసుకున్నప్పటికీ కూడా ఈ సమస్య వస్తుంటే ఆలోచించాల్సిందే..!! నోరు శుభ్రంగా ఉంచుకోక పోతే బ్యాక్టీరియా వేగంగా పెరిగి వాసనను కలిగిస్తుంది.. దంతాలపై మిగిలి ఉన్న ఆహారం వలన కూడా నోటి దుర్వాసన వస్తుంది.. అయితే నోటి నుండి నిరంతరంగా వాసన వస్తే కొన్ని వ్యాధులకు సంకేతమని ఆరోగ్యనిపుణులు చెబుతున్నారు..!!
మధుమేహం వచ్చే అవకాశాలు ఉన్నప్పుడు కూడా నోటి దుర్వాసన వస్తుందని పలు అధ్యయనాలు చెబుతున్నాయి. డయాబెటిస్ తో బాధపడుతున్న వారి లో కచ్చితంగా నోటి దుర్వాసన వస్తుంది. తరచుగా నోటి దుర్వాసన వస్తుంటే కచ్చితంగా అనుమానిచాల్సిందే. వెంటనే వైద్యుడిని సంప్రదించి మధుమేహ పరీక్షలు చేయించుకోవడం ఉత్తమం. కాలేయం శరీరంలో రక్తం లో గ్లూకోజ్ స్థాయిలను నియంత్రిస్తుంది. కాలేయం పని తీరు సరిగా లేనప్పుడు రక్త ప్రవాహం లో టాక్సిన్స్ ఏర్పడతాయి. దీని వలన కూడా నోటి నుంచి దుర్వాసన వస్తుంది.
మూత్రపిండాల వ్యాధులు ఉన్నవారిలో కూడా నోటి దుర్వాసన సమస్య వస్తుందని ఆరోగ్య నిపుణులు చెబుతున్నారు. మూత్రపిండాల వ్యాధులు ఉన్న వారికి రక్తప్రవాహంలో యూరియా పెరుగుతుంది. దీని వలన నోటి దుర్వాసన వస్తుంది. మూత్రపిండాలు ఆరోగ్యంగా ఉంటే రక్తంలో యూరియా నియంత్రణలో ఉంచుతాయి. అదే మూత్రపిండాల పనితీరు సక్రమంగా లేకపోతే నోటి దుర్వాసన వస్తుందని సంకేతం. అంతేకాకుండా జీవక్రియలో కూడా మార్పులు కూడా సూచిస్తాయి. ఊపిరితిత్తులు ఇన్ఫెక్షన్ కు గురైనప్పుడు కూడా నోటి దుర్వాసన వస్తుంది.
