Hiccups: ఆవలింత తుమ్ము ఎక్కిళ్లు లాంటివి మనకు సంబంధం లేకుండా మన ప్రయత్నం లేకుండా వస్తుంటాయి.. ఇవి మన కంట్రోల్ లో కూడా ఉండవు.. అందరికీ ఎక్కిళ్ళు వచ్చిన అనుభవం ఉంటే ఉంటుంది..!! మనం భోజనం చేసేటప్పుడు ఎక్కిళ్ళు వస్తే ఆ బాధ వర్ణనాతీతం..!! అసలు ఎక్కిళ్ళు ఎందుకు వస్తాయి..!? వస్తే ఎటువంటి జాగ్రత్తలు తీసుకోవాలి.. వంటి విషయాలు ఇప్పుడు చర్చించుకుందాం..!!
Hiccups: ఎక్కిళ్ళు ఎందుకు వస్తాయంటే..!?
మన మన కడుపులో ఛాతీ భాగాన్ని పొట్ట భాగాన్ని వేరు చేస్తూ డయాఫ్రం అనే పొర ఉంటుంది.. ఇది పైకి కిందకి కదులుతూ ఉంటుం..ది మనం ఊపిరి పీల్చినప్పుడు డయాఫ్రం కిందకు సాగి గాలి ఊపిరితిత్తుల్లోకి వచ్చేలా చేస్తుంది. అదేవిధంగా ఊపిరి వదిలేటప్పుడు అది పైకి ముడుచుకుని గాలి బయటకు వెళ్లేలా చేస్తుంది. ఇలా డయాఫ్రం కదలిక వల్ల మనం ఊపిరి పీల్చి వదులుతూ ఉంటాం.. అయితే ఒక్కోసారి ఈ డయాఫ్రం కదలిక లో మార్పు వచ్చి మన ఊపిరి తో సంబంధం లేకుండా జరుగుతుంది.. అటువంటప్పుడు మనకు ఎక్కిళ్లు వస్తాయి డయాఫ్రమ్ వేగంగా పైకి కదలడం వల్ల ఊపిరితిత్తుల లోని గాలి అంతే వేగంగా బయటకు రావడం వల్ల మన స్వరపేటిక పై ఒత్తిడి పడి శబ్దం బయటకు వస్తుంది.. ఈ విధంగా ఎక్కిళ్లు వస్తాయి..
Hiccups: ఎక్కిళ్ళు వచ్చిన వెంటనే ఇలా చేయండి..!!
చాలామంది ఎక్కిళ్ళు వచ్చినప్పుడు ఆ వ్యక్తి నమ్మలేని నిజాలు లేదా ఆ వ్యక్తి భయపెట్టే విషయాన్ని ఎక్కువగా చెప్తూ ఉంటారు ఇలా చేస్తే ఎక్కిళ్ళు ఆగిపోతాయి.. పంచదార ను నాలిక కింద పెట్టుకుని కూడా ఎక్కిళ్ళు ఆగిపోతాయి. గోరువెచ్చని నీటిని కొంచం కొంచెం గా తాగుతూ ఉన్నా కూడా ఎక్కిళ్లు తగ్గుతాయి. పెరుగులో కొద్దిగా ఉప్పు కలుపుకొని నిదానంగా తింటున్నా కూడా ఎక్కిళ్ళు ఆగుతాయి. ఒక్క చుక్క వెనిగర్ను నాలిక మీద వేసుకొని చప్పరించాలి ఇలా చేసినా కూడా త్వరగా ఎక్కిళ్ళు ఆగుతాయి. ఐస్ ముక్కలు తీసుకొని చప్పరించినా కూడా ఫలితం ఉంటుంది. ఒక చిన్న అల్లం ముక్కను తీసుకొని దానిని నమిలి రసాన్ని మింగాలి. ఇలా చేసినా కూడా ఎక్కిళ్ళు ఆగుతాయి. ఒక గ్లాస్ నీటిలో చిటికెడు యాలకుల పొడి వేసి మరిగించాలి. ఈ నీటిని తాగితే మంచి ఫలితం ఉంటుంది. కొంతమందికి ఎక్కిళ్ళు వస్తే ఇటువంటి చిట్కాలు పాటిస్తే త్వరగానే తగ్గుతాయి. ఎక్కిళ్ళు వస్తున్నప్పుడు ఒకసారి దీర్ఘంగా శ్వాస తీసుకుని రెండు ముక్కలను మూసుకోవాలి. ఇలాా చేసినా కూడా ఎక్కిళ్లు వెంటనే తగ్గుతాయి. అయితే ఈ ప్రక్రియను వెంట వెంటనే కాకుండా కాస్త సమయం తీసుకొని చేయాలి. ఇలాంటి చిన్న చిట్కాలు ప్రయత్నిస్తే చక్కటి ఫలితాలు కలుగుతాయి. ఒకవేళ వరుసగా రెండు గంటల నుంచి ఎక్కిళ్ళు వస్తూనే ఉంటే వెంటనే డాక్టర్ ను సంప్రదించడం మంచిది.