బిగ్ బాస్ నాలుగో సీజన్ మూడో వారంలో స్వాతి దీక్షిత్ వైల్డ్ కార్డ్ ఎంట్రీ గా ఇంట్లోకి అడుగు పెట్టింది. ఈ సీజన్లో స్వాతీ మూడవ వైల్డ్ కార్డ్ ఎంట్రీ. అయితే వచ్చీరావడంతోనే ఆమె మంచి గేమ్ ప్లాన్ తో బరిలోకి దిగినట్లు తెలుస్తోంది. ఎవరితో సన్నిహితంగా ఉంటే మంచి ఫుటేజి లభిస్తుందో ఎవరితో ఉంటే క్రేజ్ ఎక్కువ వస్తుందో తెలుసుకున్నట్లు కనిపిస్తోంది.
మొన్నటి వరకూ అఖిల్-మోనాల్, అభిజిత్-మోనాల్, అభిజిత్-హారిక లవ్ ట్రాక్ వచ్చిన కవరేజీ ని బయటనుండి చూసి లోపలికి వచ్చింది స్వాతి. అందుకే అభిజిత్, అఖిల్ ఎవరో ఒకరితో క్లోజ్ గా ఉంటే ఎక్కువ స్క్రీన్ స్పేస్ లభిస్తుంది అని ఫిక్స్ అయినట్లు కనిపిస్తోంది. ఇంట్లోకి వచ్చినప్పటి నుండి అభిజిత్ ను వదలడంలేదు. అఖిల్ తో కూడా సాధ్యమైనంత ఎక్కువ సేపు ఉండేందుకు ప్రయత్నిస్తోంది. అభిజిత్-హారిక లు మాట్లాడుకుంటుంటే స్వాతి మధ్యలో వచ్చి కదిలిస్తోంది అని అందరూ భావిస్తున్నారు.
ఈ విషయంలో హారిక కూడా హర్ట్ అయింది. ఇక ఇదే సమయంలో ఈ మధ్యనే హారిక అభిజిత్ కు దగ్గరగా ఉన్న స్వాతిని చూసి అభిజిత్ పై ప్రశ్నల వర్షం కురిపించింది. నువ్వు ఎలిమినేషన్ నుండి సేవ్ అవుతావనే నమ్మకం నీకు ఉందా..? అయినా స్వాతి కి ఎందుకు ఇస్తునావు? ఆమెతో కలిసి నువ్వు ఎందుకు ఆట ఆడుతున్నావు? అని అడిగేసింది.
తనతో కలిసి ఆట ఆడడానికి తన దగ్గర ప్రత్యేకమైన కారణాలేవీ లేవు అని అభిజిత్ తెలిపాడు. దానికి హారిక మనం మూడు వారాల నుండి మంచి స్నేహితులు గా ఉన్నాము. తను వచ్చి మూడు రోజులు కూడా కాలేదు కానీ నువ్వు తనతో కలిసి ఆడదాన్ని నేను తీసుకోలేకపోతున్నారు అని చెప్పింది. చివరికి అభిజిత్ సారీ చెప్పడంతో హారిక కూల్ అయింది అనుకోండి అది వేరే విషయం.