Eye Problems: జ్ఞానేంద్రియాలలో నయనం ఒకటి.. కంటి చూపు వలన మనం ప్రకృతి అందాలను చూడగలుగుతున్నాం.. నేటి ఆధునిక జీవన విధానంలో వయసు బేధం లేకుండా కంటి సమస్యలు తలెత్తుతున్నాయి.. ఎక్కువసేపు టీవీలు చూడటం ఫోన్లు వినియోగించడం వలన కంటి రెటీనా దెబ్బతిని కంటి సమస్యలు వస్తున్నాయి.. చూపు మందగిస్తుంది.. కళ్ళు లాగుతున్నట్లు ఉండడం కళ్ళు నొప్పి కంటి నుండి నీరు కారడం వంటి సమస్యలు తలెత్తుతాయి.. వీటిని మందులు తోనే కాకుండా మనం తినే ఆహార పదార్థాల వల్ల కూడా కంటి సమస్యలను నివారించవచ్చు.. చక్కటి కంటి ఆరోగ్యానికి తీసుకోవాల్సిన ఆహారం గురించి తెలుసుకుందాం..!!
Eye Problems: మీరు తీసుకొనే డైట్ లో ఇవి తింటే కంటి సమస్యలకు చెక్ పెట్టవచ్చు..!!
కంటి ఆరోగ్యాన్ని క్యారెట్ మెరుగుపరుస్తుంది. నేత్రాలకు అవసరమైన విటమిన్ ఏ, బీటాకెరోటిన్ లు ఉన్నాయి. దీనిలో లభించే పొటాషియం, పీచు పదార్థాలు కంటి ఆరోగ్యానికి ఎంతో మేలు చేస్తాయి. ప్రతి రోజు క్యారెట్ జ్యూస్ తాగడం వల్ల దృష్టి పెరుగుతోంది. పాలకూర లో విటమిన్లు ఏ, సి, కె, మెగ్నీషియం, మాంగనీస్, ఐరన్ పుష్కలంగా ఉన్నాయి. ఇవి కళ్లను ఆరోగ్యంగా ఉంచుతాయి. కంటి చూపును మెరుగు పరుస్తాయి. ప్రతిరోజు పాలకూర జ్యూస్ ను తయారుచేసుకొని తాగితే కంటి ఆరోగ్యం మెరుగవుతుంది. బాదం లో ఉండే ఒమేగా 3 ఫ్యాటీ యాసిడ్లు, విటమిన్-డి కళ్ళకి చాలా అవసరం.
ప్రతిరోజు నానబెట్టిన బాదం తింటే కంటి చూపు మెరుగవుతుంది. రోజు ఎండుద్రాక్షలను, బాదం పప్పులను నీటిలో నానబెట్టి పరగడుపున తింటే ఇది కళ్ళకు రక్షణను అందిస్తాయి. తేనె శరీర ఆరోగ్యానికే కాకుండా కంటి ఆరోగ్యాన్ని కూడా మెరుగు పరుస్తుంది. ప్రతిరోజు పరగడుపున తేనె లో ముంచిన ఉసిరికాయ లేదా తేనెతో కలిపిన ఉసిరికాయ జ్యూస్ ను తీసుకుంటే కంటి సంబంధిత సమస్యలు రాకుండా చేస్తుంది. కంటి సమస్యలతో బాధపడుతుంటే వాటి నుంచి వెంటనే ఉపశమనం కలిగిస్తుంది. రోజ్ వాటర్ కంటి సంబంధిత సమస్యలు చికిత్స లో ఉపయోగిస్తారు. దీనిbలో ఉండే యాంటీ ఇన్ఫ్లమేటరీ గుణాలు కండ్ల కలక, కంటి వాపు తగ్గించడానికి సహాయపడుతాయి. రోజ్ వాటర్ లో ముంచిన కాటన్ బాల్స్ ను కళ్ళు మూసి కళ్లపై పెట్టుకుంటే కళ్ళు చల్లగా ఉంటాయి. కంటిపై ఒత్తిడి తగ్గిస్తాయి. కళ్ళు ఆరోగ్యంగా ఉండేలా చేస్తాయి.
