Gmail: ప్రస్తుత కాలంలో ఏమున్నా లేకపోయినా ఇంటర్నెట్ ని మాత్రం చాలా ప్రధానంగా చూస్తున్నారు. అందులో ఒకటి జీమెయిల్ కూడా. గూగుల్ కి చెందిన జీమెయిల్ ని ప్రతి ఒక్కరూ వాడుతున్నారు. ఇక గత కొంతకాలంగా ఈ జీమెయిల్ ని మూసివేసారంటూ అనేక ప్రచారాలు జరుగుతున్నాయి.
ఆగస్టు ఒకటి నుంచి ఈ సర్వీసులు నిలిచిపోనున్నాయని అనేక పుకార్లు వెదజల్లాయి. ఇక తాజాగా దీనిపై గూగుల్ స్పందించింది. గూగుల్ స్పందిస్తూ వీటిని ఖండించింది. తమ సేవలు యధా విధంగా కొనసాగుతాయని వెల్లడించింది. చాలా ఏళ్లుగా లక్షలమంది కి ఈ మెయిల్ సేవలు అందిస్తున్న జిమెయిల్ త్వరలో మూతపడబోతుందని.. 2024 ఆగస్టు ఒకటి నుంచి ఈ సర్వీసులు నిలిపివేయబడుతున్నట్లు వార్తలు వినిపించాయి.
అదేవిధంగా ఇకపై జీమెయిల్ నుంచి ఏ విధమైన సరఫరాలు ఉండవు అంటూ వార్తలు వెదజల్లాయి. ఇక దీనిపై గూగుల్ అధికారులు స్పందించి జీమెయిల్ అధికారిక ఎక్స్ ఖాతా నుంచి ఈ సేవలు కొనసాగుతున్నట్లు ఓ పోస్టర్ ని షేర్ చేశారు. దీంతో సోషల్ మీడియా మధ్యమాలలో ప్రచారం అయ్యే వాటికి చెక్ పడింది.