Satya: తమకి ఇచ్చిన క్యారెక్టర్ ని అద్భుతంగా నటించడం ద్వారా ఆమె ఇమేజ్ తో పాటు ఆమెపై గౌరవం కూడా పెరుగుతుంది. గత కొన్ని ఏళ్లుగా మీడియాకి కనిపించకుండా ఒక్క సినిమా కెమెరాకి మాత్రమే కనిపిస్తూ తన సినీ కెరీర్ ని సాగిస్తుంది సత్య కృష్ణన్. గత పాతికేళ్లుగా సినిమాకి దగ్గరగా ఉంటూ మీడియాకి దూరంగా ఉన్న ఈమె తన పర్సనల్ విషయాలను తాజాగా ముచ్చటించింది. ఈమె మాట్లాడుతూ..” సినిమాలు,ఫ్యామిలీ ఇదేనా లైఫ్. సోషల్ మీడియా కి కూడా దూరంగా ఉంటా.
ఎప్పుడూ ఇంటర్వ్యూలు కూడా ఇవ్వలేదు. రీసెంట్ గానే ఇన్‌స్టాగ్రామ్ స్టార్ట్ చేశా. నాకు సరిగ్గా మాట్లాడటం రాదు. అందువల్లే ఎలాంటి పోస్టులు చేయాలో కూడా నాకు అర్థం కాదు. అందుకే సోషల్ మీడియా కి రావాలంటే భయం. పైగా అది సెన్సార్ లేని మీడియా. ఎలాంటివి అయినా పెట్టేస్తున్నారు. నేను ఫాలోవర్స్ పెంచుకునే పోస్టులు పెట్టాను. వంటలు కూడా రావు. మా అమ్మ నాన్నది ఆంధ్ర. నేను పుట్టి పెరిగింది మాత్రం తెలంగాణ.
ఆంధ్రా నుంచి తెలంగాణ కి షిఫ్ట్ అయ్యాం. నాది ప్రేమ వివాహం. ప్రేమించుకున్నాం పెద్దల్ని ఒప్పించి పెళ్లి చేసుకున్నాం. తాను తమీలియన్ కాబట్టి వాళ్ల ఇంట్లో ఒప్పుకోవడానికి కాస్త టైం పట్టింది. కానీ తరువాత ఒప్పుకున్నారు. పెళ్లయి 24 ఏళ్ళు అయింది. ఎవరి జీవితంలో అయినా ఒడిదులుకులు సహజం. నా లైఫ్ లో కూడా అలాంటి చిన్న చిన్న గొడవలు అది కూడా లవ్ మ్యారేజ్ లో ఇవి చాలా కామన్. అలా గొడవ పడినప్పుడు ఆయనే తగ్గుతారు. పెళ్లి తర్వాత చాలా హ్యాపీగా ఉన్నా. నా చిన్న వయసులోనే మా నాన్నగారు చనిపోవడంతో అప్పుడే చాలా లైఫ్ నేర్చుకున్నాను.
తండ్రి లేని లోటు కంటే బాధ ఇంకేముంది. పోసాని గారితో మెంటల్ కృష్ణ అనే సినిమా చేశాను. ఫస్ట్ క్యారెక్టర్ కోసమే అడిగారు. ఆ తరువాత మెయిన్ లీడ్ అన్నారు. ఆ సినిమా వల్ల ప్లస్ అయ్యిందా? మైనస్ అయ్యిందా? అన్న విషయాన్ని పక్కన పెడితే. ఒకసారి హీరోయిన్ క్యారెక్టర్ చేసి అనంతరం సైడ్ క్యారెక్టర్స్ చేస్తే అందరూ ఏమనుకుంటారో అని ఆలోచించ. దానివల్ల నాకు రోల్స్ కూడా తగ్గాయి. నేను క్యారెక్టర్స్ కూడా చేస్తానని స్టేట్ మెంట్ ఇచ్చిన తరువాత మెల్లగా రోల్స్ వచ్చాయి. ప్రస్తుతం నేను హ్యాపీగానే ఉన్న ” అంటూ వెల్లడించింది సత్య. ప్రస్తుతం ఈమె వ్యాఖ్యలు సోషల్ మీడియాలో వైరల్ అవుతున్నాయి.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!