తెలంగాణ అంటేనే బతుకమ్మ పండుగ. బతుకమ్మ పండుగ అంటేనే తెలంగాణ. చిన్నాపెద్దా.. అనే తేడా లేకుండా.. ఒక్క మహిళలే కాకుండా.. ప్రతి ఒక్కరు బతుకమ్మ పండుగలో పాలు పంచుకుంటారు. పూలనే పూజించే అతి పెద్ద పండుగ బతుకమ్మ. ఆ పండుగకు తెలంగాణలోనే ఎంతో విశిష్టత ఉంది. ఈ పండుగను అందరూ ఎంతో సంబురంగా జరుపుకుంటారు.
బతుకమ్మ సందర్భంగా చాలా మంది ఎన్నో పాటలను పాడుతుంటారు. బతుకమ్మ ఆటలు ఆడుతుంటారు.. వాటికి సంబంధించిన వీడియోలను యూట్యూబ్ లో పెడుతుంటారు. న్యూస్ చానెళ్లు కూడా బతుకమ్మ సంబురాలకు సంబంధించిన వీడియోలను రూపొందిస్తుంటాయి.
అయితే… ఈసారి కొత్తగా జబర్దస్త్ టీం అంతా కలిసి బతుకమ్మ సాంగ్ ను చేశారు. దానికి సంబంధించిన ప్రోమోను యూట్యూబ్ లో విడుదల చేశారు. ఆ వీడియో ప్రస్తుతం సోషల్ మీడియాలో బాగా వైరల్ అవుతోంది.
సునామి సుధాకర్, లేడీ గెటప్ వేసే మిగితా కంటెస్టెంట్లు అంతా లేడీ గెటప్ లోనే బతుకమ్మ సంబురాలు చేసుకున్నారు. ఆడిపాడారు. బతుకమ్మ పండుగ అందరిది అని.. దీనికి మగ, ఆడ, హిజ్రా అనే తేడా లేదు.. అని చాటిచెప్పే ఉద్దేశంతో ఈ పాటను వాళ్లు రూపొందించినట్టు తెలుస్తోంది.