తెలుగు బుల్లితెర ప్రపంచంలో ప్రస్తుతానికి ‘కార్తీకదీపం’ సీరియల్ నెంబర్ వన్. రెండు తెలుగు రాష్ట్రాల్లో ఈ సీరియల్ కి ఉన్న ఫ్యాన్స్ మరే ఇతర సీరియల్ కి లేరు. టిఆర్పి రేటింగ్స్ లో కూడా ఈ సీరియల్ దరిదాపుల్లోకి మరే ఇతర షో రాకపోవడం గమనార్హం. తాజాగా మొదలైన బిగ్బాస్ కూడా కార్తీక దీపం వంటలక్క జోరు ముందు నిలవలేకపోయింది. జబర్దస్త్, ఐపీఎల్ ఇవేమీ కార్తీకదీపం క్రేజ్ ని కొంచెం కూడా తగ్గించలేకపోయాయి. అది డాక్టర్ బాబు-దీప కథకి ఉన్న పవర్.
ఈ సీరియల్లో దీప అలియాస్ వంటలక్క (ప్రేమి విశ్వనాథ్), డాక్టర్ బాబు అలియాస్ కార్తీక్ (నిరుపం), సౌర్య (కృతిక), హిమ (సహృద) ప్రధాన పాత్రధారులు. డాక్టర్ బాబు ఎప్పుడు దీపక్క ను ఏడిపించడం ఆమెను తప్పుగా అర్థం చేసుకోవడం…. వీరిద్దరి మధ్య చినారి హిమ నలిగిపోవడం మనం ఎన్నో ఎపిసోడ్ ల నుండి చూస్తూనే ఉన్నాం. చివరికి డాక్టర్ బాబు వంటలక్క ఎలా కలుస్తారు ఎప్పుడు కలుస్తారు…వంటలక్క మొహంలో ఆనందం చూద్దామని 2 తెలుగు రాష్ట్రాల ప్రేక్షకులు మామూలుగా ఎదురు చూడడం లేదు.
అయితే ఇప్పుడు డాక్టర్ బాబు వంటలక్క కలిసి ఉన్న ఫోటో ఒకటి బయటకు వచ్చింది. కొద్ది గంటల క్రితం ప్రేమి విశ్వనాథ్ తన ఇన్స్టాగ్రామ్ అకౌంట్ లో డాక్టర్ బాబు తో కలిసి ఇద్దరూ చేతులు జోడించి అన్యోన్యంగా ఉన్న ఫోటోను పోస్ట్ చేసింది. అందులో కేవలం డాక్టర్ బాబు అనే క్యాప్షన్ ఉంచిన దీప షూటింగ్ స్పాట్ లో తీసుకున్న ఫోటో పోస్ట్ చేసి అందర్నీ ఆశ్చర్యపరిచింది. ఒక్కసారిగా ఫోటో చూసిన వారంతా నిజంగా దీప-డాక్టర్ బాబు కలిసి పోయారేమో అని సంబరపడ్డారు. అయితే వాళ్లు ఇప్పట్లో ఎక్కడ కలుస్తారు అన్నది డైలీ సీరియల్ చూసే వారి మాట. మొత్తానికి వారిద్దరూ కలిసి ఉన్న ఫోటో ఫ్రేమ్ ను అయినా చూసి మురిసిపోతున్నారు వంటలక్క ఫ్యాన్స్..!
https://www.instagram.com/p/CF2hpioM7iS/?igshid=sen88z5gwdy5
