Digestive System: రాళ్లు తిన్న అరాయించుకునే శక్తి ఉండాలని మన అంటుంటారు.. అంటే చక్కటి జీర్ణ వ్యవస్థ కలిగి ఉండాలని అర్థం.. నేటి ఆహారపు అలవాట్లు కారణంగా డైజెస్టివ్ సిస్టం దెబ్బతింటుంది.. దీని వలన ఉదర సంబంధిత సమస్యలు తలెత్తుతాయి. ఆరోగ్యకరమైన జీర్ణ వ్యవస్థ కోసం ఈ సింపుల్ చిట్కాలు పాటించండి చాలు..!!
ఆకలిగా ఉన్నప్పుడు మాత్రమే ఏం తినాలి లేకపోతే తినకూడదు. మనం తిన్న ఆహారం జీర్ణం అయిన తర్వాతే తీసుకోవాలి. తినేటప్పుడు ఈ జాగ్రత్తలు తీసుకోండి. మీ ప్లేట్ లో అన్నం ఉన్నప్పుడు ఆహారం చూస్తూ కాకుండా టీవీ, ఫోన్, పుస్తకం, కంప్యూటర్ చూస్తూ తినకండి. భోజనం చేసేటప్పుడు మీ పంచేంద్రియాలను ఉపయోగించండి. మీ భోజనం యొక్క వాసన, మీ ప్లేట్ యొక్క రూపాన్ని, మీ ఆహారం యొక్క ఆకృతిని, విభిన్న రుచులను మీరు తినేటప్పుడు మీరు చేసే శబ్దాలను గమనించడానికి కాస్తంత సమయం వెచ్చించండి. లేదంటే మీరు తిన్న ఆహారం వంట పట్టదు. సరిగ్గా జీర్ణం కూడా కాదు.
ఆహారం వేగంగా తినకూడదు. అలాగని మింగకండి. నిదానంగా నమిలి తినండి. నమిలి తింటే ఆహారం త్వరగా జీర్ణమవుతుంది. అలాగే వేడి వేడిగా ఉండే భోజనాన్ని తినండి. ఫ్రిజ్ లో ఉంచిన ఆహార పదార్థాలు వేడి అన్నం లో కలిపి తినకండి. నిల్వ పచ్చళ్లు జోలికి వెళ్ళకండి. కొన్ని రకాల ఆహార పదార్థాలు కలిపి తినకూడదు. ఆ జాగ్రత్తలు కూడా తీసుకుంటే జీర్ణ వ్యవస్థ మెరుగ్గా ఉంటుంది. తిన్న ఆహారం జీర్ణమైతే శరీరానికి అవసరమైన శక్తిని అందిస్తుంది.