Vakeel saab – AP Government : ఆంధ్రప్రదేశ్ లో వకీల్ సాబ్ సినిమా వ్యవహారం రాజకీయంగా పెద్ద దుమారమే రేపుతోంది.. ఏపీ లో వకీల్ సాబ్ చిత్రం టికెట్ల ధర పెంపుపై ప్రభుత్వాన్ని సంప్రదించకుండా ఏకపక్షంగా గా టికెట్ల పెంపు సిద్ధమైన థియేటర్స్, డిస్ట్రిబ్యూటర్లకు జగన్ ప్రభుత్వం షాకిచ్చింది.. టికెట్ల ధరలు పెంచితే చర్యలు తప్పవని స్పష్టం చేసింది.. దీంతో హైకోర్టును ఆశ్రయించిన బయ్యర్లు.. మూడు రోజుల పాటు అనుమతి తెచ్చుకున్నారు.. అయితే దీని పై ఆగ్రహంగా ఉన్న ఏపీ ప్రభుత్వం హైకోర్టులో ఇవాళ హౌస్ మోషన్ పిటిషన్ దాఖలు చేసింది.. ఏపీ ప్రభుత్వం తీసుకున్న ఈ నిర్ణయం సంచలనంగా మారింది..
పవన్ కళ్యాణ్ నటించిన వకీల్ సాబ్ చిత్ర నిర్మాతలు, ప్రభుత్వం పట్టుదలకు పోవడం తో టికెట్ల వ్యవహారం లో ప్రతిష్టంభన నెలకొంది. వకీల్ సాబ్ టికెట్లు కి సంబంధించి డిస్ట్రిబ్యూటర్లు, థియేటర్ల యజమానులు కొందరు ఏపీ హైకోర్టును ఆశ్రయించారు. కోర్టులో వారికి అనుకూలంగా తీర్పు ఇస్తూ ఆర్డర్స్ జారీ చేసింది.. మూడురోజులపాటు టికెట్స్ పెంచుకోవచ్చు అంటూ సింగిల్ జడ్జి తీర్పు ఇచ్చారు.. మళ్లీ ఇంతలోనే ప్రభుత్వం కోర్టులో హౌస్ మోషన్ పిటిషన్ దాఖలు చేసింది. ఈ రోజు ఈ పిటిషన్ విచారణకు రానుంది. ఇవాళ శనివారం కావడం తో కోర్టుకు సెలవు. దీంతో హైకోర్టు న్యాయమూర్తి ఇంటినుంచే ఈ పిటిషన్ ను విచారించి ఉత్తర్వులు ఇవ్వాల్సి ఉంది.