బిగ్ బాస్ 4 ప్రేక్షకులను ఆకట్టుకుంటోంది. ఎన్ని తిట్టుకున్నా బిగ్ బాస్ తన కాన్సెప్ట్ వల్ల ప్రేక్షకులను విశేషంగా ఆకర్షిస్తుంది అనడంలో ఎటువంటి సందేహం లేదు. ఈసారి కూడా ముందు తిట్టుకున్నా కానీ బిగ్ బాస్ ప్రేక్షకులను ఈ షో గురించి మాట్లాడుకునేలా చేస్తోంది. ఇప్పటికే షో మూడో వారంలో ఉండగా అభిజీత్, నోయెల్, దేవి, మోనాల్ గజ్జర్ వంటి వారు అందరి దృష్టిలో పడ్డారు.
ఇక కుమార్ సాయి తనను అందరూ టార్గెట్ చేస్తున్నారు అనే కలరింగ్ ఇస్తూ కాలం గడిపేస్తున్నాడు. నిన్నటి ఎపిసోడ్ తీసుకుంటే అభిజీత్ కు అది చాలా మైనస్ అయ్యే అవకాశాలు కనిపిస్తున్నాయి. నిన్నటి టాస్క్ లో రోబోస్ వెర్సస్ హ్యుమన్స్ టాస్క్ మొదలైంది. అభిజీత్, అరియనా, అలేఖ్య హారిక, గంగవ్వ, కుమార్ సాయి, అవినాష్, లాస్య, దేవి రోబోలు కాగా మిగిలిన వారందరూ హ్యుమన్స్. ఈ టాస్క్ లో అభిజీత్ పెర్ఫార్మన్స్ చాలా విమర్శలకు తావిస్తోంది.
అసలు టాస్క్ మొదలుకాకుండానే మనం గెలవలేం, కచ్చితంగా ఓడిపోతాం, ఫైట్ చేయడం వేస్ట్ అన్నట్లు మాట్లాడాడు. ఫీజికల్ గా టాస్క్ లో పెట్టిన ఎఫర్ట్ అయితే సున్నా. ఇక టీమ్ ను నిరుత్సాహపరచడమే కాకుండా టీమ్ లో మెంబర్స్ ను కూడా కించపరిచాడు. అటు కుమార్ సాయి ఏదో స్ట్రాటజీ చెబుతుంటే అది వేస్ట్ పనిచేయదు అంటూ తనను పక్కకు పెట్టేసాడు.
ఇక అరియనా సంగతైతే చెప్పనక్కర్లేదు. అరియనా టాస్క్ లో ఏదో చెబుతుంటే తనను పూర్తిగా కించపరిచాడు. ఇదేనా నీ క్యారెక్టర్ అంటూ తన వ్యక్తిత్వం మీదే కామెంట్స్ చేసాడు. అసలు గేమ్ కొంచెం కూడా ముందుకు కదలకపోవడానికి అభిజీత్ కూడా ఒక కారణం అంటే అందులో అతిశయోక్తి ఏం లేదు. ఇక రేపటి ఎపిసోడ్ లో ఈ టాస్క్ మరింత దారుణంగా మారే అవకాశం ఉంది. మరి అభిజీత్ రేపటి ఎపిసోడ్ లో అయినా మారతాడా లేదా అన్నది చూడాలి.