నందమూరి బాలకృష్ణ – బోయపాటి శ్రీను కాంబినేషన్ లో తాజాగా రూపొందుతున్న హ్యాట్రిక్ సినిమా బిబి3. ఇప్పటికే ఈ ఇద్దరి కాంబినేషన్ లో సింహ, లెజెండ్ బ్లాక్ బస్టర్స్ గా నిలిచాయి. దాంతో ఇప్పుడు ఈ కాంబినేషన్ మరోసారి రిపీటవుతుందనగానే నందమూరి అభిమానుల్లో లాగే ప్రేక్షకుల్లో భారీగా అంచనాలు నెలకొన్నాయి.
ఇక బిబి 3 ఫస్ట్ రోర్ తో సినిమా అంచనాలు మరింతగా పెరిగాయి. బాలయ్య ని ఈ మధ్యకాలంలో అభిమానులు ఏఏ అంశాలు మిస్సయ్యారో అవన్ని మళ్ళీ ఈ సినిమాలో ఉండబోతున్నాయని బోయపాటి బిబి 3 ఫస్ట్ రోర్ తో హింట్ ఇచ్చాడు. ద్వారక క్రియోషన్స్ బ్యానర్ మీద మిరియాల రవీందర్ రెడ్డి నిర్మిస్తున్న ఈ సినిమాకి ‘‘మోనార్క్‌” అన్న పవర్ ఫుల్ టైటిల్ ను బిబి3 కి పెట్టాలని అనుకుంటున్నారట.
ఇక ఈ సినిమా ఇప్పటికే కొంత టాకీ పార్ట్ కంప్లీటవగా త్వరలో మళ్ళీ సెట్స్ మీదకి వెళ్ళబోతుంది. అయితే మేకర్స్ నుంచి ఈ సినిమా నుంచి అభిమానులు ఎంతగానో ఎదురు చూస్తున్న టైటిల్ తో పాటు హీరోయిన్స్ ని ఇంకా ప్రకటించలేదు. ఈ రెండు విషయాలలో క్లారిటి రాకపోవడంతో ఎప్పటికప్పుడు కొత్త రూమర్స్ క్రియేటవుతూనే ఉన్నాయి.
కాగా మరోసారి బిబి3 సినిమాలో నటించే హీరోయిన్స్ విషయంలో కొత్త టాక్ వినిపిస్తోంది. ప్రయాగ మార్టిన్ ని హీరోయిన్ గా ఎంచుకున్నట్టు ఈ మధ్య వార్తలు వస్తున్నాయి. కాని మేకర్స్ ఇంకా క్లారిటీ ఇవ్వలేదు. ఇంతలోనే మరోసారి హీరోయిన్ విషయంలో ప్రచారం జరుగుతోంది. ఈసారి పూర్ణ పేరు వినిపిస్తోంది. పూర్ణ .. ప్రయాగ మార్టిన్ ని ఎంచుకున్నట్టు తెలుస్తుంది. చూడాలి ఇందులో ఎంతవరకు వాస్తవం ఉందో.