కాలం మారుతున్న కొద్దీ వాతావరణంలో మార్పులు చోటు చేసుకోవడం సహజమే. అలాంటి వాతావరణానికి తగ్గట్టుగా మన ఆహార పదార్థాల విషయంలో మార్పులు సంతరించుకుంటాయి. ప్రస్తుతం చలి కాలం మొదలవడంతో వాతావరణ ఉష్ణోగ్రతలలో మార్పులు చోటు చేసుకున్నాయి. వాతావరణం చాలా చల్లగా మారటం వల్ల మన శరీరానికి వేడిని కలిగించే ఆహార పదార్థాలను తీసుకోవడం వల్ల మన శరీరం ఎంతో ఆరోగ్యకరంగా ఉండడమే కాకుండా, మన చర్మం కాంతివంతంగా మెరుస్తూ ఉంటుంది. ఈ చలి కాలంలో శరీరం మృదుత్వాన్ని కోల్పోవడంతో పాటు, అనేక రకాల చర్మ వ్యాధులకు దారితీస్తుంది. వీటన్నింటి నుంచి శరీరాన్ని కాపాడుకోవాలంటే ఖచ్చితంగా ఆహార పదార్థాలను తీసుకోవాల్సిందే….
*ఆలివ్ ఆయిల్… ఆలివ్ ఆయిల్ లో విటమిన్ ఏ, ఈ ఫ్యాటీ ఆసిడ్స్ అధికంగా ఉండటం వల్ల మన శరీరానికి కావల్సిన హైడ్రేషన్ ను అందించి మన శరీరానికి ఫ్లెక్సిబిలిటీ ని కలిగిస్తుంది. ఇందులో ఉన్న యాంటీ ఆక్సిడెంట్లు మన శరీరంలో ఏర్పడే ఫ్రీరాడికల్స్ ను తొలగించి శరీరానికి సహజ రంగును కోల్పోకుండా కాపాడుతుంది.
*క్యారెట్… చలికాలంలో ఎక్కువగా తీసుకోవాల్సిన ఆహార పదార్థాలలో క్యారెట్ మొదటి స్థానంలో ఉంటుంది. క్యారెట్లో ఉండే విటమిన్ ఏ, యాంటీ ఆక్సిడెంట్లు మన శరీరానికి కావలసిన పోషకాలను అందిస్తుంది. విటమిన్ ఏ కంటిచూపును మెరుగు పరచడంలో కీలక పాత్ర పోషిస్తుంది. క్యారెట్లో ఉండే లైకోపిన్ సూర్యరశ్మి నుంచి మన శరీరాన్ని కాపాడుతుంది.క్యారెట్ జ్యూస్ రూపంలో లేదా పచ్చిగా తినడం వల్ల తగినన్ని పోషకాలు మన శరీరానికి అందుతాయి.
*పాలకూర… పాలకూరలో కేవలం ఐరన్ మాత్రమే కాకుండా అధిక మొత్తంలో క్యాల్షియం, మెగ్నీషియం, విటమిన్స్, యాంటీ ఆక్సిడెంట్లు పుష్కలంగా లభిస్తాయి. రక్తహీనతతో బాధపడే వారి చర్మం పాలిపోయినట్లు ఉంటుంది. అలాంటి వారు పాలకూర ఎక్కువగా తీసుకోవడం ద్వారా ఇందులో ఉన్న ఐరన్ రక్తహీనత సమస్య నుంచి విముక్తి కలిగించి మన చర్మాని కాంతివంతంగా ఉంచుతుంది.
*బాదం… ప్రతిరోజు బాధములను తీసుకోవడం ద్వారా మన శరీరానికి అవసరమైన డీహైడ్రేషన్ ను అందిస్తాయి.అంతే కాకుండా ఇందులో ఉండే పోషక పదార్థాలు మన శరీరానికి రోగనిరోధక శక్తిని పెంచడంలో కీలక పాత్ర పోషిస్తాయి. ప్రతి రోజూ మన ఆహారంలో వీటిని చేర్చడం ద్వారా మన చర్మం కాంతివంతంగా ఉండి ఆరోగ్యకరంగా ఉంటుంది.
*గ్రీన్ టీ… గ్రీన్ టీలో ఉండే యాంటీ ఆక్సిడెంట్ గుణాలు మన శరీరాన్ని ఫ్రీ రాడికల్స్ నుంచి కాపాడుతుంది.గ్రీన్ టీ ని తాగడం ద్వారా శరీర బరువును తగ్గించుకోవచ్చు. మన శరీరంలో ఏర్పడే ముడతలను నివారించడానికి గ్రీన్ టీ కీలక పాత్ర పోషిస్తుంది.