నాగబాబు ముద్దుల కూతురు నిహారిక పెళ్లికి ఇంకా నాలుగు రోజులు మాత్రమే ఉన్నాయి. నిహారిక వివాహం రాజస్థాన్ లోని ఉదయపూర్ లో జరగనున్నది. ఈ వివాహం డిసెంబర్ 9 వ తేదీన రాత్రి 7 గంటల 15 నిమిషాలకు మిథున లగ్నంలో జరగనున్నది. ఇప్పటికే కుటుంబ సభ్యులు అంతా ఉదయపూర్ లోని ప్యాలెస్‌కు చేరుకున్నారు. ఈ రోజు పెళ్లి తంతులలో భాగంగా నిహారికను పెళ్లి కూతురిని చేసారు.
ఈ రోజు కార్తీక బహుళ పంచమి కావున శుభ దినం అని తలచి ఈ రోజు ఉదయం ఉదయపూర్ పాలస్ లో నిహారికకు పెళ్లిలో ముఖ్యమైన మంగళ స్నానాలు చేయించి నిహారికను పెళ్లి కూతురుని చేసారు.
మంగళ స్నానాల తరువాత నిహారిక కొణిదెలకు మంగళ హారతి ఇచ్చారు. తాజాగా నిహారిక పెళ్లి వెడ్డింగ్ కార్డు రిలీజైంది. ఈ డెస్టినేషన్‌ వెడ్డింగ్‌కి మెగా ఫ్యామిలీ మొత్తం రాజస్థాన్ కు కదిలి వెళ్లనున్నది. ఈ రోజు నుంచి డిసెంబర్ 9 వ తేదీ వరకు నిహారిక పెళ్లి పనులతో మెగా ఫామిలీ మొత్తం బిజీ కానున్నది.