అమ‌రావ‌తి ఆందోళ‌ల‌న‌కు ఏడాది … ఇక ఆపేయ‌డ‌మే మేలు !

అమరావతినే ఏకైక రాజధానిగా ప్రకటించాలనే డిమాండ్‌తో ఒకే రాష్ట్రం-ఒకే రాజధాని అనే నినాదంతో అమరావతి ఉద్యమం జ‌రుగుతోంది. డిసెంబ‌ర్ 16 కి ఏడాది పూర్త‌యింది. ఉద్య‌మానికి ఏడాదైన సందర్భంగా రైతులు గ్రామాల్లో ఆందోళనలు ఉధృతం చేశారు. అయితే, ఈ ఆందోళ‌న‌ల‌పై సోష‌ల్ మీడియా కొత్త ప్ర‌చారం జ‌రిగింది.

అమ‌రావ‌తిలో ఆందోళ‌న‌లు…

అమ‌రావ‌తి ఆందోళ‌న‌ల‌కు ఏడాది పూర్త‌యిన సంద‌ర్భంగా రైతులు, మహిళలు వివిధ రూపాల్లో తమ నిరసన వ్యక్తం చేశారు. తుళ్లూరుతో ఇంటింటికి అమరావతి ,వెంకటపాలెంలో దళితులు బైక్ ర్యాలీ పెదపరిమిలో రైతులు పాదయాత్ర.. కార్యక్రమం నిర్వహించారు. 105 మంది రైతులు మనోవేదనతో ప్రాణాలు కోల్పోయినా ప్రభుత్వం మాత్రం నిమ్మకు నీరెత్తినట్టు వ్యవహరిస్తోందని ఆవేదన వ్యక్తం చేశారు. శాంతియుత పోరాటం చేస్తున్న రైతులపై లాఠీ చార్జీలు, అక్రమ కేసులు పెడుతున్నారని, తమను భయపెట్టాలని చూస్తున్నారని ఆరోపించారు.

నేడు కీల‌క స‌భ

రాజధానిగా అమరావతినే కొనసాగించాలని రైతులు, మహిళల ఉద్యమం ఏడాది పూర్తయిన సందర్భంగా.. నేడు రాయపూడిలో సంఘీభావ సభ జరగనుంది. సభ ఏర్పాట్లను.. రాజధాని మహిళలు దగ్గరుండి పర్యవేక్షించారు. తమ భవిష్యత్ తో ఆడుకుంటున్న సీఎం జగన్ కు గుంటూరు మిర్చి రుచి ఏంటో చూపిస్తామని వ్యాఖ్యానించారు. అమరావతే రాజధానిగా ఉండాలని ఇప్పటి వరకు శాంతియుతంగా చెప్పామని, ఇక నుంచి అలా ఉండదని పేర్కొన్నారు. ఏపీ ప్రజలకు రాజధాని అంటూ ఒక్కటి ఉండాలనే ఉద్దేశంతోనే తాము భూములు ఇచ్చామని రాజధాని మహిళలు తెలిపారు. తమ ఉద్యమానికి అమరావతిలోని 29 గ్రామాలతో పాటు రాష్ట్ర ప్రజలు కూడా మద్దతు తెలపాలని కోరుతున్నారు.

ఆపేయడం మేలు

అయితే, అమ‌రావ‌తి లో జ‌రుగుతున్న ఆందోళ‌న‌ల‌పై సోష‌ల్ మీడియాలో కొత్త కామెంట్లు వినిపిస్తున్నాయి. అమ‌రావ‌తిలో రైతులు ఆందోళ‌న చేయ‌డం లేద‌ని కేవ‌లం కొంద‌రే నిర‌స‌న తెలుపుతున్నార‌ని ప‌లువురు పేర్కొన్నారు. రైతుల ఆందోళ‌న అంటే ఢిల్లీ వంటి రూపం ఉంటుంద‌ని , అన్ని వ‌ర్గాల మ‌ద్ద‌తు అందుతుంద‌ని కామెంట్ చేశారు. రైతుల నిజ‌మైన ఆందోళ‌న కాబ‌ట్టే ఢిల్లీ నిర‌స‌న‌ల‌కు దేశ‌వ్యాప్తంగా ప్ర‌తిప‌క్ష పార్టీలు, ప్ర‌జా సంఘాలు, విద్యార్థులు మ‌ద్ద‌తు ఇస్తున్నార‌ని అమ‌రావ‌తి నిర‌స‌న‌లు అలాంటి ల‌క్ష‌ణాన్ని క‌లిగి ఉండ‌నందు వ‌ల్ల మ‌ద్ద‌తు పొంద‌లేక‌పోతున్నాయ‌ని…. అందుకే ఇక ఆందోళ‌న‌లు ఆపేయాల‌ని పేర్కొన్నారు.
న్ని వదిలిపెట్టబోమంటున్నారు రాజధాని ప్రాంత రైతులు. అమరావతిని ఏకైక రాజధానిగా ప్రకటించే వరకు ఉద్యమాన్ని ఆపేది లేదని తేల్చిచెబుతున్నారు. ఎన్నాళ్లైనా అలుపెరగని పోరుతో ఆందోళనలు కొనసాగిస్తామని స్పష్టంచేశారు.