టాలీవుడ్ ఇండస్ట్రీలో తిరుగులేని హీరోగా మాస్ ఇమేజ్ తో బాక్సాఫీస్ దగ్గర అనేక రికార్డులు సృష్టించారు నటసింహం నందమూరి బాలయ్య బాబు. ప్రస్తుతం రాజకీయాల్లో ఎమ్మెల్యేగా ఉంటూ మరోపక్క సినిమాలు చేస్తున్న సంగతి తెలిసిందే. ఇటువంటి తరుణంలో హైదరాబాద్ పోలీసులు బాలయ్య ఫోటో వాడుకోవటం సోషల్ మీడియాలో వైరల్ గా మారింది. మేటర్ లోకి వెళ్తే కొత్త సంవత్సరం అదేవిధంగా క్రిస్మస్ వేడుకల నేపథ్యంలో హైదరాబాదులో వీకెండ్ భారీ స్థాయిలో ఎంజాయ్ చేస్తున్నారు యూత్.
అంతే కాకుండా ఇటీవల కొత్త సంవత్సరం వేడుకల నేపథ్యంలో రికార్డు స్థాయిలో మద్యం అమ్మకాలు కూడా గట్టిగా జరిగినట్లు వార్తలు వచ్చాయి. ఇలాంటి దారుణం లో మందుబాబులు పని పట్టడానికి హైదరాబాద్ పోలీసులు డ్రంక్ అండ్ డ్రైవ్ టెస్ట్ లు లాక్‌డౌన్‌ తర్వాత చేపట్టడానికి రెడీ అవుతున్నారు. ఇప్పటికే పలుచోట్ల పహారా కాస్తున్న గాని యువతలో మార్పు రాకపోవటంతో.. వాళ్లకు వాళ్ల స్టైల్లోనే అర్థమయ్యేరీతిలో బాలకృష్ణ ఫోటోలు తమ ప్రచారానికి వాడుకున్నారు.
హైదరాబాద్ ట్రాఫిక్ పోలీసులు తమ సోషల్ మీడియా ట్విటర్ లో అప్పట్లో బాలయ్య బాబు లయన్ ప్రీ రిలీజ్ వేడుకలో అభిమానులను ఉద్దేశించి వేసిన డైలాగ్ ఫోటో పెట్టి మందుబాబులకు సరైన రీతిలో పంచ్ వేశారు. అదేమిటంటే ‘అప్పుడే అయిపోయిందని అనుకోకండి.. లోపల ఇంకా చాలా దాచిపెట్టాం’ అన్న డైలాగును తాజాగా హైదరాబాద్ ట్రాఫిక్ పోలీసులు తీసుకొని ‘అప్పుడే అయిపోయిందని అనుకోకండి.. ఇంకా చాలా ఉంది. వీకెండ్ గురించి దాచి ఉంచాం’ అని బాలయ్యను పెట్టి క్యాప్షన్ ఇచ్చారు. దీని బ్యాక్ గ్రౌండ్ లో డ్రంక్ అండ్ డ్రైవ్ టెస్టులు నిర్వహిస్తున్నట్లు మందుబాబులకు హెచ్చరికగా పోస్ట్ పెట్టారు. దీంతో ఈ పోస్ట్ ఇప్పుడు సోషల్ మీడియాలో వైరల్ గా మారింది.