మనిషి జీవిత చక్రం లో బాల్యం, యవ్వనం, వృద్ధాప్యం అంటూ దశలు మారుతూనే ఉంటాయి.పుట్టిన ప్రతి వ్యక్తి తుదిశ్వాస విడిచేవరకు, ప్రతి దశ ఎంతో ఆనందంగా గడవాలని కోరుకుంటాడు. ఈ రోజు పిల్లలుగా, యువకులుగా, నడి వయస్కులు గా ఉన్న మనందరం కూడా కొన్ని రోజులకు వృద్ధ దశలోకి అడుగు పెట్టే పరిస్థితి వస్తుంది.కూతుళ్లు కొడుకులు మనుమలు, మునిమనుమలు ప్రతి ఒక్కరూ ఏ కష్టంనష్టం లేకుండా హాయిగా జీవించాలని తపిస్తూ ఆరాటపడుతుంటారు.
అలా ఎంతో అనుభవమున్న వయోవృద్ధులను గౌరవించి, వారిని ప్రేమతో సంరక్షించుకుంటూ వారి ఈ చివరి దశను ఆనందమయం చేయడం ప్రతి ఒక్కరి బాధ్యత.. వారి కి ఉన్న అనుభవంతో పిల్లలు బావుండాలన్న ఉద్దేశ్యం తో వారు ఎదో ఒకటి చెప్పబోతా ఉంటారు… అలాంటప్పుడు వారిని విసుక్కోవడం కసురుకోవడం వంటివి చేయకండి. మన మంచిని కోరుకోవడం లో వారిని మించినవారు ఇంకొకరు ఉండరు. వారు చెప్పినట్టే చేయడం సాధ్యం కాకా పోయిన అలాగే చేద్దాం అని చెప్పడం వలన మనకి ఎలాంటి నష్టం ఉండదు. వాళ్ళు తృప్తి పడతారు. వారు ఉండే గది పరిసరాలు ఎప్పటికప్పుడు శుభ్రం చేస్తూ ఉండండి.
ఇంకా చెప్పాలి అంటే మీ పిల్లలతో పాటు సమానం గా వారికీ పనులుచేసి పెట్టండి. ఎందుకంటే మనం పిల్లలాగా ఉన్నప్పుడు మనలని కాపాడిన దైవాలు వాళ్ళు. వయ్యస్సు పెరిగే కొద్దీ వారు చిన్న పిల్లలుగా మారిపోతుంటారు ఆ విషయం గుర్తు పెట్టుకుని వారిని విసుక్కోవడం కసురుకోవడం వంటివి చేయకుండా ప్రేమగా దగ్గరకు తీసుకోండి. ఆ వయస్సులో మరపుతో చెప్పిందే చెప్పడం వంటివి చేస్తుంటారు. అలాంటప్పుడు ఓపికతో వారికీ సమాధానము చెప్పండి తప్ప కసరకండి. రక్తపోటు షుగరు, ఆర్థరైటిస్, స్ట్రోక్ ఇలాంటివి సహజంగా వచ్చే అనారోగ్య సమస్యలు. కాబట్టి సరైన వైద్య సదుపాయం కల్పించండి.
వీటితో పాటు దీర్ఘకాలిక శ్వాస సమస్యలు, కంటి సమస్యలు, చర్మ వ్యాధులు, వినికిడి సమస్యలు, డిప్రెషన్‌, మానసిక సమస్యలు, మూత్ర సమస్యలు వస్తుంటాయి. వీరిని మిగతా కుటుంబ సభ్యులు ఎప్పటికప్పుడు కనిపెట్టుకుని ఉంటూ వారి అవసరాలు తీరుస్తూ వారు ఆనందంగా ఆ చివరి దశ గడిపేలా చూసుకోవడం మనుషులుగా మన బాధ్యత.