Uppena Movie update : పంజా వైష్ణవ్ తేజ్ , కృతి శెట్టి జంటగా నటిస్తున్న చిత్రం ఉప్పెన.. టాలీవుడ్ లో భారీ అంచనాల మధ్య విడుదల కాబోతున్న సినిమాల్లో ఉప్పెన ఒకటి.. మెగాస్టార్ చిరంజీవి మరో మేనల్లుడు సాయి ధరమ్ తేజ్ సోదరుడు వైష్ణవి తేజ్ హీరోగా పరిచయం అవుతున్న చిత్రం.. ఉప్పెన ట్రైలర్ ను ఈ రోజు సాయంత్రం 4:05 నిమిషాలకు జూనియర్ ఎన్టీఆర్ విడుదల చేయనున్నారు..
ఈ సినిమాలో కృతి శెట్టి హీరోయిన్ గా నటిస్తోంది. ఆమెకి కూడా ఇదే మొదటి సినిమా. అంతేకాదు దర్శకుడు బుచ్చిబాబు నాకు కూడా ఇదే తొలి చిత్రం అవ్వడం మరో విశేషం. ఇలా ఈ ముగ్గురు కొత్త వారే అయినప్పటికీ, ఈ సినిమా పై భారీ అంచనాలు ఉన్నాయి. మైత్రి మూవీ మేకర్స్ సుకుమార్ రైటింగ్స్ సంయుక్తంగా ఈ చిత్రాన్ని నిర్మిస్తున్నారు. కోలీవుడ్ స్టార్ హీరో విజయ్ సేతుపతి ఈ సినిమాలో విలన్ గా నటిస్తున్నారు. స్టార్ మ్యూజిక్ డైరెక్టర్ దేవిశ్రీ ప్రసాద్ ఈ సినిమాకు సంగీతం అందిస్తున్నారు. ఇలా ఈ మూవీపై అభిమానుల్లో మొదటి నుంచి అంచనాలు ఉన్నాయి.
ఇక వాటి కి తగ్గట్టుగా ఈ సినిమా నుంచి విడుదలైన టీజర్, పాటలు, పోస్టర్లు అందరిని ఆకట్టుకోవడంతో ఈ సినిమా పై అంచనాలు మరింత పెరిగాయి. ఈ సినిమాను ప్రేమికుల దినోత్సవం సందర్భంగా ఈ నెల 12న థియేటర్లో విడుదల చేయబోతున్నారు. వైష్ణవ్ తేజ్, ఉప్పెన టీమ్ స్పెషల్ గెస్ట్స్ గా స్టార్ మహిళ సీజన్ 2లో 100 వ ఎపిసోడ్ లో కనువిందు చేయనున్నారు..
