Amazon Forest : అమెజాన్ అడవులు గురించి ప్రత్యేకంగా చెప్పాల్సిన పనిలేదు. ప్రస్తుతం అమెజాన్ అడవులకు సంబంధించినటువంటి ఒక ఫోటో ప్రస్తుతం వైరల్ గా మారింది.అంతర్జాతీయ అంతరిక్ష కేంద్రం- ISS నుంచి తీసిన ఒక ఫోటో బంగారంలా మెరుస్తూ ఉన్నటువంటి అమెజాన్ నది పరివాహక ప్రాంతాన్ని తలపిస్తోంది. ఈ ఫోటోను ఐఎస్ఎస్ నుంచి వ్యోమగాములు తీశారు. ఫోటోలో చూడటానికి ఎంతో అందంగా కనిపిస్తున్న ఈ ప్రాంతంలో అతిపెద్ద కుంభకోణం దాగి ఉంది. ఇది నదీ పరివాహక ప్రాంతాలు కాదు… అక్రమంగా తవ్వి వదిలేసిన బంగారు గనులు ఈ విధంగా మెరుస్తూ కనిపిస్తున్నాయి.
అమెజాన్ అడవుల్లో అక్రమంగా మైనింగ్ తవ్వకాలను చేస్తూ అడవులను ఏ విధంగా నాశనం చేస్తున్నారు ఈ ఫోటో మనకు స్పష్టంగా తెలియజేస్తుందని పరిశోధకులు చెబుతున్నారు. అక్రమ బంగారు మైనింగ్ వల్ల తూర్పు పెరూలోని మాడ్రే డిడియోస్ రాష్ట్రంలో అమెజాన్ అడవుల్లో గుంతలు ఏర్పడ్డాయి.అయితే ఈ తవ్వకాలపై సూర్యుడి కిరణాలు పడుతుండడం వల్ల అవి మెరుస్తూ అందంగా కనిపిస్తున్నాయి. ఈ గనులు తవ్వి బంగారాన్ని అక్రమంగా దోచుకోవడం కోసం పెద్ద ఎత్తున పాదరసం వదులుతున్నారు. ఈ పాదరసం వల్ల నీటి కాలుష్యం అవుతుంది.
వాణిజ్యని పర్యాటకాన్ని అభివృద్ధి చేయడం కోసం బ్రెజిల్, పెరూలను హైవే ద్వారా అనుసంధానించారు. కానీ ఈ హైవే ప్రస్తుతం అమెజాన్ అడవుల్లో అక్రమంగా గనులు తవ్వడానికి కారణమైందని చెప్పవచ్చు. ఈ ప్రాంతంలో ఎక్కువగా సీతాకోకచిలుకలు, కోతులు, జాగ్వర్ లు వంటి ఎన్నో జంతువులు ఉన్నాయి. ఈ అక్రమ మైనింగ్ కారణం వల్ల ఇక్కడ ఆవాసం ఉండే జీవులకు ఇబ్బంది తలెత్తడమేకాకుండా ఈ రెయిన్ ఫారెస్ట్ దారుణంగా దెబ్బతింటుందని శాస్త్రవేత్తలు అభిప్రాయపడుతున్నారు. గత కొన్ని సంవత్సరాల నుంచి బంగారం ధరలు పెరగడంతో ఈ విధంగా అక్రమ మైనింగ్ లకు పాల్పడినట్లు తెలుస్తోంది.బంగారంలా మెరుస్తున్నటువంటి అమెజాన్ అక్రమ మైనింగ్ ఫోటోలను చూస్తే సాటి మనిషి స్వార్థం కోసం ఎంతటి దారుణానికి అయినా దిగజారు తాడని పర్యావరణ ప్రేమికులు ఆగ్రహం వ్యక్తం చేస్తున్నారు.