Chinthamaneni prabhakar : తెలుగు రాజకీయాలలో టిడిపి నాయకుడు మాజీ ఎమ్మెల్యే చింతమనేని ప్రభాకర్ Chinthamaneni prabhakar తెలియనివారు ఉండరు. పశ్చిమగోదావరి జిల్లా దెందులూరు నియోజకవర్గానికి చెందిన చింతమనేని ప్రభాకర్.. టీడీపీ హయాంలో వైయస్ జగన్ ని నిండు అసెంబ్లీ లో భారీ స్థాయిలో విమర్శలు చేయడం జరిగింది. అంతేకాకుండా జగన్ కి దమ్ముంటే దెందులూరు లో తనపై పోటీ చేయాలని సవాల్ కూడా చేయటం అప్పట్లో సంచలనం సృష్టించింది. పరిస్థితి ఇలా ఉండగా తర్వాత జగన్ ముఖ్యమంత్రి అయినాక చింతమనేని ప్రభాకర్ కొన్ని కేసుల విషయంలో అరెస్ట్ అవ్వడం దాదాపు 60 రోజుల పాటు జైలులో ఉండటం అందరికీ తెలిసిందే.
ఇలాంటి తరుణంలో మరో సారి ఆయన పై మళ్లీ కేసు నమోదు అవ్వటం ఏపీ లో సంచలనం సృష్టించింది. మేటర్ ఏమిటంటే ప్రస్తుతం జరుగుతున్న ఎన్నికల దృష్ట్యా పెదవేగి మండలం బీసీ సింగారం గ్రామంలో బుధవారం రాత్రి వైసిపి మద్దతుదారుడు సర్పంచ్ అభ్యర్థి భర్త శామ్యూల్ పై చింతమనేని మరియు ఆయన అనుచరులు దాడి చేసినట్లు దీంతో ఆయనపై ఫిర్యాదు నమోదైనట్లు వెంటనే పెదవేగి పోలీసులు చింతమనేని ప్రభాకర్ ని అదుపులోకి తీసుకున్నట్లు ఏలూరు రూరల్ పోలీస్ స్టేషన్ కి తరలించడం జరిగినట్లు సమాచారం. చింతమనేని ప్రభాకర్ ను ఈరోజు సాయంత్రం న్యాయమూర్తి ముందు హాజరు పరుస్తున్నట్లు.. ఆయన పై అదేవిధంగా అనుచరులపై ఐసిసి సెక్షన్ 341,324,143,323,354,354a,171సి, 506(2), 455r/w 149 సెక్షన్ల కింద కేసు నమోదు చేసినట్లు వార్తలు అందుతున్నాయి.