Bigg boss Lasya : బిగ్ బాస్ లాస్య Bigg boss Lasya గురించి తెలుసు కదా. తను ఇప్పుడు పెద్ద సెలబ్రిటీ అయిపోయింది. తను ఏం చేసినా అది సంచలనమే. బిగ్ బాస్ కంటే ముందు తను తెలుగులో టాప్ యాంకర్ అయినప్పటికీ.. తనకు అప్పుడు అంత ఫేమ్ రాలేదు కానీ.. ఎప్పుడైతే తను బిగ్ బాస్ హౌస్ లోకి వెళ్లిందో.. తనకు ఒక్కసారిగా పాపులారిటీ పెరిగింది. తనకే కాదు.. తన భర్త మంజునాథ్, తన కొడుకు జున్నూకు కూడా ఫ్యాన్స్ పెరిగారు.
బిగ్ బాస్ హౌస్ లో లాస్య.. ఎప్పుడూ తన కొడుకును తలుచుకుంటూ ఏడ్వడం, తన కొడుకును చూడాలని ఉందంటూ ఏడ్వడం.. అన్నీ ప్రేక్షకులను బాగా బాధించాయి. అందుకే తనకు ఫ్యాన్స్ ఫాలోయింగ్ కూడా విపరీతంగా పెరిగింది బిగ్ బాస్ హౌస్ లో.
Bigg boss Lasya : బిగ్ బాస్ లాస్య.. మహిళా దినోత్సవం స్పెషల్ వీడియో
బిగ్ బాస్ హౌస్ నుంచి వచ్చాక లాస్య రేంజే మారిపోయింది. తను ఇప్పుడు పెద్ద సెలబ్రిటీ. ఆఫర్లు కూడా క్యూ కడుతున్నాయి. అలాగే.. తను సొంతంగా యూట్యూబ్ చానెల్ కూడా స్టార్ట్ చేసింది. ఆ చానెల్ తో ఫుల్ బిజీ అయిపోయింది లాస్య. ప్రతి రోజూ ఏదో ఒక వీడియో పెడుతూ.. తన అభిమానులతో టచ్ లో ఉంటోంది.
తాజాగా అంతర్జాతీయ మహిళా దినోత్సవం సందర్భంగా లాస్య.. మహిళల గొప్పదనాన్ని చాటేలా ఓ వీడియోను తీసింది. చిన్న కాన్సెప్టే కానీ.. అది మనసుకు హత్తుకునేలా ఉంది. ఒక అమ్మాయిగా, అమ్మగా, భార్యగా, ఉద్యోగిగా.. మహిళ పడే కష్టాల గురించి చాలా సింపుల్ గా ఈ వీడియోలో చెప్పింది లాస్య. ఇంకెందుకు ఆలస్యం.. మీరు కూడా లాస్య మహిళా దినోత్సవం వీడియోపై ఓ లుక్కేయండి.