Tamilnadu Cm Stalin: డీఎంకే అధినేత దివంగత కరుణానిధి తనయుడు ఎంకే స్టాలిన్ 14వ తమిళనాడు ముఖ్యమంత్రిగా నేడు ప్రమాణ స్వీకారం చేయనున్నారు. ఇటీవల తమిళనాడు రాష్ట్రంలో జరిగిన అసెంబ్లీ ఎన్నికలలో డి.ఎం.కె కూటమి భారీ మెజారిటీతో గెలవడంతో ముఖ్యమంత్రిగా స్టాలిన్.. ప్రమాణ స్వీకారం చేసి 34 మంది మంత్రులతో ప్రమాణం చేయించనున్నారు. ఈ క్రమంలో మంత్రివర్గంలో ఇద్దరు మహిళలకు.. ఇద్దరు మైనార్టీలకు చోటు కల్పించారు. హోం శాఖను స్టాలిన్ తన వద్దే ఉంచుకున్నారు. ఆర్థిక శాఖను పిడిఆర్ పలని వేల్ త్యాగరాజన్ కు, ఆరోగ్య శాఖలో సైదా పేట ఎమ్మెల్యే సుబ్రహ్మణ్యంకు కట్టబెట్టారు.
అదేవిధంగా పార్టీలో ఎప్పటి నుండో ఉన్న సీనియర్ నేత దురై మురగన్ కు జన వనరులు, చిన్న, భారీ తరహా నీటి ప్రాజెక్టుల అదేవిధంగా అసెంబ్లీ వ్యవహారాల శాఖ… అప్పజెప్పారు. ఇదిలా ఉంటే తమిళనాడు రాష్ట్రంలో కరోనా సెకండ్ వేవ్ తీవ్రత అధికంగా ఉండటంతో డీఎంకే పార్టీకి చెందిన కార్యకర్తలు ఎవరు.. హడావిడి చేయకూడదని.. మీ ఆరోగ్యం నాకెంతగానో ముఖ్యమంటూ స్టాలిన్ సూచించారు.
ముఖ్యమంత్రిగా చూడాలని చాలామంది కలలు కన్నారు అయినాసరే ప్రస్తుతం వైరస్ వ్యాప్తి ఎక్కువగా ఉండటంతో.. పరిస్థితులను అర్థం చేసుకోవాలని కార్యకర్తలకు సూచించారు. దీంతో నేడు స్టాలిన్ ప్రమాణ స్వీకార మహోత్సవం నిరాడంబరంగా నే జరగనుందని తమిళ మీడియా వర్గాలు తెలియజేస్తున్నాయి. దాదాపు పది సంవత్సరాల తర్వాత డీఎంకే పార్టీ అధికారంలోకి రావడంతో..తమిళనాడు రాష్ట్రంలో సరికొత్త రాజకీయ వాతావరణం ఏర్పడింది.