Balakrishna: నటసింహం నందమూరి బాలయ్య బాబు పుట్టినరోజు ఈనెల 10వ తారీఖు కావటంతో కరోనా నేపథ్యంలో రాష్ట్రవ్యాప్తంగా ఎటువంటి ఆడంబరాలు చేయకూడదని ఇప్పటికే బాలయ్య అభిమానులకు లెటర్ రాయడం తెలిసిందే. అదే రీతిలో రాష్ట్ర నలుమూలల నుండి కూడా తన దగ్గరికి ఎవరు రాకూడదని.. బయట పరిస్థితులను అర్థం చేసుకుని ప్రభుత్వాలకు సహకరించాలని.. బాలయ్య కోరడం జరిగింది. పరిస్థితి ఇలా ఉండగా ప్రస్తుతం బాలయ్య బాబు బోయపాటి దర్శకత్వంలో “అఖండ” సినిమా చేస్తున్న సంగతి తెలిసిందే.
ఇప్పటికే సినిమాకి సంబంధించి టీజర్ అదేవిధంగా పోస్టర్లు రిలీజ్ అయ్యి సోషల్ మీడియాలో అనేక రికార్డులు సృష్టించాయి. ఈ నేపథ్యంలో పుట్టినరోజు నాడు సినిమాకి సంబంధించి సాంగ్ రిలీజ్ చేయాలని మేకర్స్ డిసైడ్ అయినట్లు సమాచారం. “అఖండ” సినిమా సాంగ్ మాత్రమే కాక పుట్టినరోజునాడు అభిమానులకు మరో రెండు సర్ప్రైజ్ లు బాలయ్య బాబు ఇవ్వబోతున్నట్లు వార్తలు ఫిలిం వర్గాలలో వైరల్ అవుతున్నాయి. విషయంలోకి వెళితే బాలయ్య బాబు ప్రస్తుతం చాలా వరకు కుర్ర డైరెక్టర్లను లైన్లో పెడుతున్న సంగతి తెలిసిందే.
Read More: Balakrishna: మరోసారి బాలకృష్ణ సినిమాకి పనిచేస్తున్న దేవి శ్రీ ప్రసాద్..!!
అనిల్ రావిపూడి, గోపీచంద్ మలినేని ఈ ఇద్దరు డైరెక్టర్లతో.. బాలయ్య బాబు సినిమా చేయడానికి రెడీ అవుతున్నారు అనే టాక్ భారీగా వినిపిస్తుంది. ఇలాంటి తరుణంలో ఈ రెండు ప్రాజెక్టులకు సంబంధించి టైటిల్ తో కూడిన అధికారిక ప్రకటన బాలయ్య తన పుట్టినరోజు నాడు క్లారిటీ ఇవ్వనున్నట్లు సమాచారం. ఈ రెండు టైటిల్స్ తో పాటు అఖండ సినిమాకి సంబంధించి సాంగ్ రిలీజ్ చేసి తన పుట్టినరోజు నాడు త్రిబుల్ ధమాకా నందమూరి అభిమానులకు ఇవ్వాలని బాలయ్య స్ట్రాంగ్ గా డిసైడ్ అయ్యారట. మరి బాలయ్య సర్ప్రైజ్ సోషల్ మీడియాలో ఏ రీతిలో అద్భుతాలు సృష్టిస్తుందో చూడాలి.