Paa. Ranjith : పా.రంజిత్.. సూపర్ స్టార్ రజనీకాంత్ నటించిన కబాలి, కాలా లాంటి భారీ యాక్షన్ ఎంటర్‌టైనర్స్ ను తెరకెక్కించి తమిళ సినిమా ఇండస్ట్రీలో స్టార్ డైరెక్టర్‌గా పాపులర్ అయ్యాడు. కాలా, కబాలి సినిమాల ఫలితాలు ఎలా ఉన్నా డైరెక్టర్‌గా పా. రంజిత్‌కి మాత్రం విపరీతమైన క్రేజ్ వచ్చింది. ఆయన డైరెక్షన్‌లో సినిమా చేయడానికి కోలీవుడ్ స్టార్ హీరోలు ఎంతో ఆసక్తి చూపిస్తున్నారు. అయితే కొంతమంది మాత్రం సినిమా అవకాశాల కోసం ఎంతగా ఆఫీసుల చుట్టూ తిరుగుతారో ఇప్పటికే చాలా మంది విషయంలో చాలా సందర్భాలలో విన్నాము. అలా ఆఫీసుల చుట్టూ తిరిగినా కూడా అవకాశాలు దక్కని వాళ్ళు చాలామంది ఉన్నారు.
అయితే ఓ చిన్న సినిమాలో చేసి గుర్తింపు తెచ్చుకున్న దుషారా విజయన్ కి ఏకంగా స్టార్ హీరో ఆర్య నటించిన సినిమాలో డైరెక్టర్ పా.రంజిత్ అవకాశం ఇస్తానంటే నిజమో కాదో అని లైట్ తీసుకుందట. స్వయంగా ఆయన ఆఫీసు నుంచి కాల్ వస్తే నమ్మలేక ఆఫీసుకు రమ్మంటే వెళ్ళలేదట. దాంతో ఈమెకి పా. రంజిత్ ఆఫీసు నుంచి తర్వాత రోజు మళ్ళీ కాల్ వచ్చిందట. పా.రంజిత్ నుంచి కాల్ వస్తే కూడా రెస్పాండ్ అవవా..నీకెంత పొగరు అనేలా వాళ్ళు మాట్లాడారట. చిత్ర బృందం నుంచి నిజంగా కాల్ వచ్చినప్పటికీ అది ఫ్రాంక్ అనుకుని దుషారా ఫోన్ కాల్ కు స్పందించలేదట.
Paa. Ranjith : ఇచ్చిన అవకాశమే సార్పట్ట
మళ్లీ రెండు రోజుల తర్వాత కాల్ వస్తే సరే ఒకసారి చూద్దాం అని ఆఫీసుకు వెళ్లిందట. అలా వెళ్లగా వచ్చిన అవకాశమే సార్పట్ట. ఆర్యకు జంటగా నటించి విమర్శకుల ప్రశంసలు అందుకుంది హీరోయిన్ దుషారా. ఇటీవల ఈ సినిమా ఓటీటీలో రిలీజై భారీ స్థాయిలో ప్రేక్షకుల నుంచి పాజిటివ్ రెస్పాన్ దక్కించుకుంది. ‘దిండుగల్ జిల్లా కన్యాపురం’ అనే ఓ చిన్న గ్రామానికి చెందిన దుషారా విజయన్ ఫ్యాషన్ డిజైనర్ గా కొనసాగుతున్న సమయంలో అనుకోకుండా నటిగా అవకాశం అందుకుంది. ఆ తర్వాత సార్పట్ట సినిమాకు వచ్చిన అవకాశంతో అందుకొని భవిష్యత్తులో స్టార్ హీరోయిన్ అవుతుందని ఇండస్ట్రీలో చెప్పుకునేలా పాపులార్ అయింది.