Mahesh Babu: సూపర్ స్టార్ మహేశ్ బాబు కెరీర్‌లో ఇప్పటివరకు పర భాషా చిత్రాలను రీమేక్ చేసింది లేదు. ముందు నుంచి ఆయనకు రీమేక్ సినిమాల ఆసక్తి ఉండదు. టాలీవుడ్‌లో మెగాస్టార్ చిరంజీవి, పవర్ స్టార్ పవన్ కళ్యాణ్, వెంకటేశ్, నాగార్జున సహా మిగతా చాలామంది హీరోలు తమిళ, మలయాళం సహా మిగతా భాషలలో భారీ సక్సెస్ సాధించిన సినిమాలను తెలుగులో రీమేక్ చేసి బ్లాక్ బస్టర్స్ అందుకుంటున్నారు. రీ ఎంట్రీ తర్వాత పవన్ కళ్యాణ్ నటించిన వకీల్ సాబ్, భీమ్లా నాయక్ రీమేక్ సినిమాలే.
ఇప్పుడు మెగాస్టార్ చిరంజీవి చేస్తున్న గాడ్ ఫాదర్, భోళా శంకర్ సినిమాలు కూడా తమిళం, మలయాళం భాషలలో హిట్ సాధించిన సినిమాల ఆధారంగా తెరకెక్కుతున్నవే. కానీ, మహేశ్ కెరీర్‌లో అలా చెప్పుకునే రీమేక్ చిత్రాలు లేకపోవడం విశేషం. చేయకూడదనే రూల్ ఏమీ పెట్టుకోలేదు. కానీ, చేయడం మాత్రం ఆసక్తి లేదని ఇప్పటికే చెప్పిన సందర్భాలున్నాయి. కానీ, పాత కథలతో మాత్రం బ్లాక్ బస్టర్స్, ఇండస్ట్రీ హిట్స్ అందుకున్నారు. పాత కథను ఇప్పటి తరానికి తగ్గట్టు మారిన టెక్నాలిజీని వాడుకొని ..తన ఇమేజ్‌ను దృష్ఠిలో పెట్టుకొని సినిమా చేసి హిట్ అందుకున్నారు.
Mahesh Babu: అదే మహేశ్‌కు బాగా కలిసి వస్తుంది.
పూరి జగన్నాథ్ దర్శకత్వంలో వచ్చి ఇండస్ట్రీ హిట్‌గా నిలిచిన పోకిరి సినిమా గతంలో చిరంజీవి హీరోగా వచ్చిన స్టేట్ రౌడీ సినిమా ఛాయలు కనిపిస్తాయి. ఇక వరుస హిట్స్ వస్తున్న సమయంలో కొరటాల శివ శ్రీమంతుడు సినిమాను మహేశ్‌తో చేసి హిట్ ఇచ్చాడు. అయితే, ఇది కొత్త కథేమీ కాదు. 1984లో నందమూరి బాలకృష్ణ హీరోగా నటించిన ‘జననీ జన్మభూమి’ సినిమా తాలూకా ఛాయలు కనిపిస్తాయి కె.విశ్వనాథ్ దర్శకత్వం వహించిన ఈ సినిమా ఫ్లాప్ అయింది. కానీ, మహేశ్ ఇదే కథ ఆధారంగా శ్రీమంతుడు చేసి హిట్ సాధించాడు. ఇలా కథ పాతదే అయినా కూడా మహేశ్ ఇమేజ్‌ను దృష్ఠిలో పెట్టుకొని కొత్తగా చూపిస్తున్నారు. అదే మహేశ్‌కు బాగా కలిసి వస్తుంది.