Project K: అమితాబ్ బచ్చన్ రోల్ రివీల్.. ప్రభాస్‌కి బిగ్ బి తప్ప ఇంకెవరూ సూటవరు..!

Project K: పాన్ ఇండియన్ స్టార్ ప్రభాస్ నటిస్తున్న సినిమాలలో ప్రాజెక్ట్ కె సినిమా ఒకటి. పాన్ వరల్డ్ సినిమాగా సౌత్ భాషలతో పాటు, బాలీవుడ్ హాలీవుడ్‌లోనూ ఈ సినిమానూ అత్యంత ప్రతిష్టాత్మకంగా రిలీజ్ చేసేలా చిత్రీకరణ జరుపుతున్నారు. ఇప్పటి వరకు ప్రభాస్ చేయని ఓ కొత్త తరహా పాత్రను ఇందులో ప్రభాస్ పొషిస్తున్నారు. సూపర్ హీరో తరహా పాత్ర చేస్తున్న కారణంగా ఆనంద్ మహీంద్ర సహాయం కావాలని కోరారు దర్శకుడు నాగ్ అశ్విన్. ఈ దర్శకు ఇప్పటి వరకు తీసింది కేవలం రెండు సినిమాలే.

వాటిలో మొదటి సినిమా ఎవడే సుబ్రమణ్యం చాలా చిన్న సినిమా. ఆ తర్వాత తెరకెక్కించిన సినిమా మహానటి సావిత్రి జీవిత కథ ఆధారం రూపొందించిన మహానటి. ఈ సినిమాతో నాగ్ అశ్విన్ దర్శకుడిగా టాలీవుడ్‌లో భారీ క్రేజ్ సంపాదించుకున్నాడు. అయితే, మహానటి తర్వాత అందరూ మెగాస్టార్ చిరంజీవితో సినిమా చేస్తాడని భావించారు. అందుకు కారణం స్వయంగా చిరు మంచి కథ తయారు చేయి మనం సినిమా చేద్దామని ఆఫర్ ఇవ్వడమే. కాని, నాగ్ అశ్విన్ మాత్రం ప్రభాస్‌ను దృష్ఠిలో పెట్టుకొని ప్రాజెక్ట్ కె చిత్రాన్ని ప్రకటించాడు.

Project K: ధనిక వ్యాపార్త వేత్తగా అల్ట్రా స్టైలిష్ పాత్రలో..?

ఇక ఈ సినిమాను దాదాపు రూ 500 కోట్ల భారీ బడ్జెట్‌తో నిర్మాణ సంస్థలో 50 వ సినిమాగా ఎంతో ప్రతిష్ఠాత్మకంగా అగ్ర నిర్మాత సి అశ్వనీదత్ నిర్మిస్తున్నారు. ఈ సినిమా లో బాలీవుడ్ స్టార్ దీపిక పడుకొణ్, బిగ్ అమితాబ్ బచ్చన్ ఇతర ప్రధాన పాత్రల్లో నటిస్తున్నారు. అయితే, ఇన్నాళ్ళు ప్రాజెక్ట్ కె లో అమితాబ్ రోల్ ఏమై ఉంటుందో అని అందరూ ఆసక్తిగా మాట్లాడుకున్నారు. ఈ నేపథ్యంలో తాజా సమాచారం ప్రకారం ఈ సినిమాలో ప్రభాస్‌కు తండ్రిగా అమితాబ్ కనిపించబోతున్నాడట. భారీ స్థాయిలో ఉండే ధనిక వ్యాపార్త వేత్తగా అల్ట్రా స్టైలిష్ పాత్రలో అలరిచబోతున్నారని తెలుస్తోంది. ప్రభాస్‌కు తండ్రిగా ప్రాజెక్ట్ కెలో అమితాబ్ తప్ప మరొకరు సెట్ కారని మేకర్స్ డిసైడయి ఆయనని ఎంచుకున్నట్టు టాక్ వినిపిస్తోంది.