Ram Charan: టాలీవుడ్ సక్సెస్ ఫుల్ డైరెక్టర్ కొరటాల శివ రూపొందిస్తున్న మెగా మల్టీస్టారర్ ఆచార్య. ఈ సినిమాలో మెగాస్టార్ చిరంజీవి, మెగా పవర్ స్టార్ రామ్ చరణ్ హీరోలుగా నటించారు. ఇందులో చిరు సరసన కాజల్ అగర్వాల్, చరణ్ సరసన పూజా హెగ్డే హీరోయిన్స్గా నటించారు. మణిశర్మ సంగీతం అందించిన ఈ సినిమాను కొణిదెల ప్రొడక్షన్స్ సమర్పణలో మ్యాట్నీ ఎంటర్టైన్మెంట్స్ పతాకంపై నిరంజన్ రెడ్డి భారీ బడ్జెట్తో నిర్మిస్తున్నారు.
ఇప్పటి వరకు ఆచార్య సినిమా నుంచి వచ్చిన ప్రతీ అప్డేట్ సినిమాపై భారీగా అంచనాలు పెంచాయి. కేరళలో జరిగిన కొన్ని వాస్తవ సంఘటనల ఆధారంగా దర్శకుడు కొరటాల శివ ఆచార్య చిత్రాన్ని తెరకెక్కించారు. రెజీనా, సంగీత ప్రత్యేక గీతాలలో అలరించ బోతున్నారు. ఇక ఈ సినిమాకు వేసిన టెంపుల్ సెట్ కూడా ప్రత్యేక ఆకర్షణగా నిలవబో తోంది. అయితే, ఇప్పుడు అందరూ మాట్లాడుకుంటుంది రామ్ చరణ్ ఆచార్య సినిమాతో గత కొన్నేళ్ళుగా వస్తున్న ఓ బ్యాడ్ సెంటిమెంట్ను బ్రేక్ చేస్తారా అని మాట్లాడుకుంటు న్నారు.
Ram Charan: ఇంతకీ ఆ బ్యాడ్ సెంటిమెంట్ ఏమిటంటే..!
ఇంతకీ ఆ బ్యాడ్ సెంటిమెంట్ ఏమిటంటే దర్శకుడు ఎస్ ఎస్ రాజమౌళితో సినిమా చేసిన ఏ హీరో అయినా ఆ తర్వాత భారీ ఫ్లాప్స్ చూశారు. మగధీర తర్వాత చరణ్ ఆరెంజ్ సినిమా చేసి ఫ్లాప్ అందుకున్నాడు. ఇక ఎన్టీఆర్ రాజమౌళితో సినిమా చేసి హిట్ అందుకున్న ప్రతీసారి ఆ తర్వాత ఫ్లాప్స్ చూశాడు. ప్రభాస్ కూడా అంతే. బాహుబలి సిరీస్ తర్వాత వరుసగా సాహో, రాధే శ్యామ్ సినిమాలతో ఫ్లాప్స్ అందుకున్నాడు. ఇప్పుడు తాజాగా వచ్చిన ఆర్ఆర్ఆర్ సినిమాతో ఇటు చరణ్ అటు తారక్ పాన్ ఇండియా రేంజ్లో హిట్ అందుకున్నారు. అందుకే, చిరు చరణ్ చేస్తున్న ఆచార్య రిజల్ట్ గురించి అభిమానులు ఆందోళన చేందుతున్నారు. మరి చరణ్ రాజమౌళికి ఉన్న బ్యాడ్ సెంటిమెంట్ను బ్రేక్ చేస్తాడా లేదా చూడాలి. కాగా, ఆచార్య ఏప్రిల్ 29న రిలీజ్ అవుతోంది.