AP New Districts: ఆంధ్రప్రదేశ్లో జిల్లాల పునర్విభజన జరిగిన నేపథ్యంలో కొత్తగా ఏర్పడిన 13 జిల్లాలకు కేంద్ర ప్రభుత్వం లోకల్ డైరెక్టరీ కోడ్ లను జారీ చేసింది. స్థానిక ప్రభుత్వాలను మ్యాపింగ్ చేసేందుకు వీలుగా కేంద్ర పంచాయతీరాజ్ మంత్రిత్వ శాఖ ఈ ఎల్జీడీ కోడ్ లను జారీ చేస్తుంది. జనగణన నుండి వివిధ ప్రభుత్వ పథకాల వరకూ ఎల్జీడీ కోడ్ ద్వారానే కార్యక్రమాల అమలును కేంద్రం పర్యవేక్షిస్తుంది. ఉమ్మడి జిల్లాలకు ఇప్పటికే 502 నుండి 521 వరకూ జిల్లా లోకల్ గవర్నమెంట్ కోడ్లను కేంద్ర ప్రభుత్వం కేటాయించింది. ఇకపైనా అవే నెంబర్లను ఆయా జిల్లాలకు కొనసాగించనున్నారు. ఏపిలో కొత్తగా ఏర్పడిన 13 జిల్లాలకు 743 నుండి 755 వరకూ కేటాయించారు. కొత్తగా ఏపిలో ఏర్పడిన 13 జిల్లాలతో దేశంలో మొత్తం జిల్లాల సంఖ్య 755కి చేరింది. రాష్ట్రంలో ఈ నెల 4వ తేదీన ముఖ్యమంత్రి వైఎస్ జగన్మోహనరెడ్డి కొత్త జిల్లాలను ప్రారంభించారు. ఆ వెంటనే రాష్ట్ర ప్రభుత్వం కొత్త జిల్లాల సమాచారాన్ని కేంద్రాన్ని పంపగా జిల్లాల కోడ్ లను పంచాయతీరాజ్ మంత్రిత్వ శాఖ కేటాయించింది.
AP New Districts: జిల్లా పేరు.. ఆ జిల్లాకు కేటాయించిన కోడ్
- పార్వతీపురం మన్యం జిల్లాకు 743
- అనకాపల్లికి 744
- అల్లూరి సీతారామరాజు జిల్లాకు 745
- కాకినాడకు 746
- కోనసీమకు 747
- ఏలూరుకు 748
- ఎన్టీఆర్ జిల్లాకు 749
- బాపట్లకు 750
- పల్నాడుకు 751
- తిరుపతికి 752
- అన్నమయ్య జిల్లాకు 753,
- శ్రీ సత్యసాయి జిల్లాకు 754
- నంద్యాలకు 755