Shivathmika Rajasekhar: సీనియ‌ర్ స్టార్ హీరో రాజశేఖర్ కూతురు ప్రియుడితో దుబాయ్ పారిపోయిందంటూ ఓ వార్త గ‌త రెండు రోజుల నుంచీ సోషల్ మీడియాలో తెగ వైరల్ అవుతోంది. ఈ వార్త ఆ నోట, ఈ నోట పాకి.. చివ‌రాఖ‌ర‌కు రాజశేఖర్ ఫ్యామిలీ వద్ద‌కు వెళ్లింది. దాంతో వెంట‌నే శివాత్మిక.. త‌మ‌పై జ‌రుగుతున్న త‌ప్పుడు వార్త‌ల‌ను ఖండిస్తూ స్ట్రోంగ్ వార్నింగ్ ఇచ్చింది.
ఇన్‌స్టాగ్రామ్‌ స్టోరీలో తన ఫ్యామిలీతో కలిసి దుబాయ్‌లో ఎంజాయ్‌ చేస్తున్న ఓ ఫొటోను షేర్ చేసిన శివాత్మిక రాజశేఖర్.. `ఫ్యామిలీతో దుబాయ్‌కి వెళ్తే.. ప్రియుడితో పారిపోయామని వార్తలు రాస్తున్నారు. ఇంతకీ పారిపోయింది నేనా? మా అక్కనా? అసలు ఆ బాయ్‌ఫ్రెండ్ ఎవరు? కనీసం పుకార్లు రాసేటప్పుడైనా కొంచెం క్లారిటీగా రాయండి` అంటూ త‌న‌దైన శైలిలో కౌంట‌ర్ ఇచ్చింది.
దీంతో ఇప్పుడీమె పోస్ట్ కాస్త నెట్టింట వైరల్ గా మారింది. మ‌రి శివాత్మిక క్లారిటీ ఇచ్చిన తర్వాత అయినా గాసిప్ రాయుళ్ల నోర్లు మూతపడతాయో.. లేదో.. చూడాలి. శివాత్మిక సినీ కెరీర్ విష‌యానికి వ‌స్తే.. `దొరసాని` మూవీతో హీరోయిన్‌గా టాలీవుడ్‌లో ఎంట్రీ ఇచ్చింది. 2020లో రిలీజైన ఈ చిత్రం బాక్సాఫీస్ వ‌ద్ద బోల్తా ప‌డినా.. శివాత్మిక న‌ట‌న‌కు మంచి మార్కులు ప‌డ్డాయి.
ప్ర‌స్తుతం ఈ బ్యూటీ `పంచతంత్రం`, `రంగమార్తండ`తో పాటు ప‌లు త‌మిళ్ చిత్రాల్లో న‌టిస్తోంది. శివాని విష‌యానికి వ‌స్తే.. `అద్భుతం`తో టాలీవుడ్‌లోకి అడుగు పెట్టి ప్రేక్ష‌కుల‌ను ఆక‌ట్టుకున్న ఈమె రెండో ప్ర‌య‌త్నంగా `డబ్ల్యూడబ్ల్యూడబ్ల్యూ` చేసింది. ఇక ఇప్పుడు ఈ భామ తండ్రి రాజ‌శేఖ‌ర్‌తో `శేఖ‌ర్‌` అనే సినిమా చేస్తోంది.
Shyamala: అప్పుడు పవనిజం.. ఇప్పుడు జగనిజం… ఏంటి శ్యామల ఇది..?