Mega 154: మెగాస్టార్ చిరంజీవి ప్రస్తుతం వరుస సినిమాలతో క్షణం తీరిక లేకుండా గడుపుతున్న సంగతి తెలిసిందే. ఈయన చేస్తున్న చిత్రాల్లో `మెగా 154` ఒకటి. ప్రముఖ దర్శకుడు బాబీ తెరకెక్కిస్తున్న ఈ చిత్రంలో శ్రుతి హాసన్ హీరోయిన్గా నటిస్తోంది. మైత్రీ మూవీ మేకర్స్ వారు ఈ సినిమాను నిర్మిస్తుండగా.. దేవిశ్రీ ప్రసాద్ సంగీతం అందిస్తున్నాడు.
ఇటీవలె సెట్స్ మీదకు వెళ్లిన ఈ చిత్రం శరవేగంగా షూటింగ్ను కంప్లీట్ చేసుకుంటోంది. రెండు రోజుల క్రితమే శృతి హాసన్ కూడా షూట్లో జాయిన్ కాగా.. ప్రస్తుతం చిరు, శ్రుతిల మధ్య కొన్ని కీలక సన్నివేశాల చిత్రీకరిస్తున్నట్లు తెలుస్తోంది. ఇదిలా ఉంటే.. తాజాగా ఈ సినిమా టైటిల్ లీక్ అయింది. ఇంతకీ లీక్ చేసింది ఎవరో కాదు.. ప్రముఖ డ్యాన్స్ కొరియోగ్రాఫర్ శేఖర్ మాస్టర్.
- Read the latest news from NEWSORBIT
- Follow us on facebook , Twitter , instagram and Googlenews
అవును, తాజాగా ఓ ఇంటర్వ్యూలో పాల్గొన్న శేఖర్ మాస్టర్.. తన అప్ కమ్మింగ్ సినిమాల ప్రస్తావించారు. ఈ క్రమంలోనే చిరంజీవిగారు నటిస్తున్న `వాల్తేరు వీరయ్య`లో వర్క్ చేస్తున్నా అని పొరపాటు నోరు జారారు. వాస్తవానికి ఇప్పటివరకు `వాల్తేరు వీరయ్య` అని అభిమానులు అనుకోవడమే తప్పా ఎవరు కన్ఫర్మ్ చేయలేదు.
దీంతో కొత్త టైటిల్ వస్తుందేమో అని అందరూ ఎదురుచూస్తున్నారు. మరోవైపు చిత్ర టీమ్ ఏదైనా స్పెషల్ తేదీన టైటిల్ అనౌన్స్ చేయాలని చూస్తోంది. కానీ, ఈలోపే శేఖర్ మాస్టర్ `మెగా 154` టైటిల్ వల్తేరు వీరయ్య అని కన్ఫామ్ చేసేయడంతో.. మెగా ఫ్యాన్స్ మస్తు ఖుషీ అయిపోతున్నారు. కాగా, పక్కా మాస్ ఎంటర్టైనర్గా రాబోతున్న ఈ సినిమాలో మాస్ మహారాజ్ రవితేజ ఓ కీలక పాత్రలో కనిపించబోతున్నారని ప్రచారం జరుగుతోంది. దీనిపై పూర్తి క్లారిటీ రావాల్సి ఉంది.
Baahubali: సరికొత్త కథతో ఓటీటీలోకి వచ్చేస్తున్న బాహుబలి.. రిలీజ్ డేట్ ఇదే..!