Mango: వేసవికాలం వచ్చిందంటే మామిడి పండ్ల సీజన్ మొదలైనట్టే.. సాధారణంగా మామిడిపండును తినేసి ఆ తొక్కలను పారేస్తాం.. కానీ మామిడి పండు తొక్కలో ఉండే ఆల్ఫా హైడ్రాక్సీ యాసిడ్స్ మృత కణాలను తొలగించి చర్మం మెరుపును పెంచుతాయి.. మహిళలు అందంగా ఉండటానికి మామిడి తొక్కల ప్యాక్స్ అద్భుతంగా ఉపయోగపడతాయి..! వాటిని ఎలా ఉపయోగించాలో ఇప్పుడు తెలుసుకుందాం..!
మామిడి తొక్కలను ఎండబెట్టి దంచి పొడి చేసుకోవాలి. ఈ పొడిని మీరు ఉపయోగించే ఫేస్ ప్యాక్ లలో కలుపుకుంటే మెరుగైన ఫలితాలు కనిపిస్తాయి. ఇలా కాదు అనుకుంటే పచ్చి మామిడి తొక్కలను తీసుకుని మిక్కీ జార్ లో వేసుకుని మెత్తగా గ్రైండ్ చేసుకోవాలి. ఈ పేస్ట్ లో కొద్దిగా పెరుగు కొంచెం రోజ్ వాటర్ కలిపి ముఖానికి అప్లై చేసుకోవాలి. ఇలా రెగ్యులర్ గా చేస్తూ ఉంటే డార్క్ స్పాట్స్ తగ్గిపోతాయి. చర్మం రంగు కూడా మారుతుంది ముఖంపై ఉన్న దాన్ని తొలగిస్తుంది. ఇంకా మొటిమలు, వాటి తాలూకు మచ్చలను పోగొట్టి ముఖంను కాంతివంతంగా చేస్తుంది.
ఒక గిన్నెలో ఒక ఒక చెంచా చొప్పున మామిడి తొక్కల పొడి, బియ్యం పిండి అందుకు సరిపడినన్ని పాలుపోసి కలుసుకోవాలి. ఈ ప్యాక్ ను ముఖానికి, మెడకు అప్లై చేసుకొని పది నిమిషాల తర్వాత చల్లటి నీటితో కడిగేసుకోవాలి. ఇలా చేయడం వల్ల చర్మకాంతిని పెంపొందిస్తుంది. స్కిన్ ను గ్లోగా, మృదువుగా మార్చుతుంది.