మరో కొత్త గెటప్‌లో..

కథ, పాత్ర నచ్చితే ఎలాంటి గెటప్ వెయ్యడానికైనా సిద్ధపడే హీరోల్లో అక్షయ్‌కుమార్ ఒకరు. ఇటీవల ‘కేసరి’ సినిమాలో అక్షయ్ తలపాగాతో కనిపించిన విషయం తెలిసిందే. ఈ సినిమా తర్వాత ‘హౌస్‌ఫుల్ 4’లో గుండుతో కనిపించనున్నారు అక్షయ్. అక్షయ్ కుమార్, బాబీ డియోల్, రితేశ్ దేశ్‌ముఖ్, రానా, కృతి సనన్, కృతి కర్బందా, పూజా హెగ్డే, బొమన్ ఇరాని ఈ సినిమాలో కీలక పాత్రలు పోషిస్తున్నారు. పునర్జన్మల కథాంశంతో ఈ సినిమా తెరకెక్కుతోంది. ఈ సినిమాలో అక్షయ్ కుమార్ 16వ శతాబ్దపు రాజుగా, బాబి డియోల్ పొడుగు జుట్టుతో కనిపిస్తారట. గత జన్మలో జరిగిన కథను రాజస్థాన్‌లో, ప్రస్తుత కథను లండన్‌లో షూట్ చేశారు. ఈ సినిమాలో నానా పాటేకర్ కూడా ఒక కీలక పాత్ర పోషించాల్సి ఉండగా, అతనిపై వచ్చిన లైంగిక వేధింపుల కారణంగా సినిమా నుంచి ఆయన తప్పుకున్నారు. ఈ చిత్రంలో నానా పాత్రను రానా పోషించారు.