నటి సంగీత ఇంటి వ్యవహారం ఇప్పుడు వీధికెక్కింది. తన కుమార్తె సంగీత తనని ఇంటి నుంచి బయుటికి వెళ్లిపొమ్మని బలవంతం చేస్తోందని తల్లి భానుమతి ఆరోపిస్తోంది. ఆమె పోలీసులను ఆశ్రయించి ఫిర్యాదు చేసింది. ఈ విషయంపై నటి సంగీత క్లారిటీ ఇస్తూ తల్లికి ఓ లేఖ రాసింది. ‘ప్రియమైన అమ్మ.. నన్ను ఈ ప్రపంచంలోకి తీసుకొచ్చినందుకు ధన్యవాదాలు. నన్ను పాఠశాలకు దూరం చేసి, 13 ఏళ్ల వయసు నుంచే పని చేయించినందుకు కృతజ్ఞతలు. నాతో ఖాళీ చెక్కులపై సంతకాలు చేయించినందుకు థాంక్స్. మద్యం, డ్రగ్స్కు బానిసై, జీవితంలో ఏ రోజూ పనికి వెళ్లని నీ కుమారుడి సౌకర్యాల కోసం నన్ను దోపిడీ చేసినందుకు ధన్యవాదాలు. నేను పోరాడే వరకూ నాకు పెళ్లి చేయనందుకు, నన్ను, నా భర్తను నిరంతరం వేధిస్తూ మా కుటుంబ ప్రశాంతతను దూరం చేసినందుకు ధన్యవాదాలు. ఓ తల్లి ఇలా ఉండకూడదని నాకు తెలియజేసినందుకు థాంక్స్. చివరిగా.. నువ్వు చేసిన తప్పుడు ఆరోపణలకు థాంక్స్. నీకు తెలిసో, తెలియకో నన్ను నోరులేని అమ్మాయి నుంచి పోరాడే మహిళగా మారేలా చేశావు. ఇప్పుడు శక్తిమంతమైన మహిళగా అయ్యాను. ఈ విషయంలో నువ్వు నాకు నచ్చావు. ఏదో ఒక రోజు నీ పొగరు పక్కనపెట్టి, నన్ను చూసి కచ్చితంగా గర్వపడుతావు’ అని సంగీత భావోద్వేగంతో తల్లి చేసిన పనులు బయటపెట్టారు.
previous post
next post
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!