Diabetes: వేగంగా పెరుగుతున్న జీవనశైలి వ్యాధుల్లో మధుమేహం కూడా ఒకటి.. డయాబెటిక్ లెవెల్స్ ను కంట్రోల్లో ఉంచుకోవడం కోసం వైద్యులు సూచించిన రకరకాల మందులను వాడుతున్నారు.. సహజసిద్ధమైన పద్ధతుల్లో కూడా షుగర్ లెవెల్స్ నియంత్రణలో ఉంచుకోవచ్చు.. అందుకు కొన్ని రకాల పండ్లే కాకుండా వాటి ఆకులు కూడా ఎంతో మేలు చేస్తాయి.. అటువంటి వాటిలో బ్లూబెర్రీ ఆకులు కూడా ఒకటి.. డయాబెటిస్ నియంత్రణలో ఉంచడానికి ఈ ఆకుల టీ అద్భుతంగా పనిచేస్తుందంటున్నారు ఆరోగ్య నిపుణులు..!
బ్లూబెర్రీ ఆకుల టీతో డయాబెటిస్ కి చెక్..!
బ్లూ బెర్రీస్ ఆకులు తిన్నా, ఆ ఆకులతో చేసిన టీ తాగినా షుగర్ పేషెంట్లకు రక్తంలో చక్కెర స్థాయిలు నియంత్రణలో ఉంటాయని అధ్యయనాలు చెబుతున్నాయి.. బ్లూబెర్రీ ఆకులకు సహజసిద్దంగా రక్తంలో గ్లూకోజ్ లెవల్స్ ను కంట్రోల్లో ఉంచే లక్షణాలు ఉన్నాయి. అంతేకాదు ఈ ఆకుల టీ తాగడం వలన డయాబెటిస్ వల్ల వచ్చే కంటి సంబంధిత సమస్యలు కూడా తగ్గుతాయి. బ్లూ బెర్రీస్ ఆకుల టీ కి టైప్ 2 డయాబెటీస్ ను నియంత్రించే సామర్థ్యం ఉందని పరిశోధనలో తేలింది.. ఇన్సులిన్ ఇంజెక్షన్ ల పై ఆధారపడిన డయాబెటిక్ పేషెంట్ లకు బ్లూబెర్రీ లిఫ్ట్ తాగటం వలన ఎక్కువ ప్రయోజనం ఉంటుందని నిపుణులు తెలిపారు.
బ్లూ బెర్రీస్ లో ఆంథోసైనిన్ అనే రసాయనం ఉంటుంది. ఈ రసాయనం ఇన్సులిన్ నిరోధకతను తగ్గిస్తుంది. ప్లాస్మా, గ్లూకోజ్ స్థాయిలను వేగంగా తగ్గిస్తుంది ఆంథోసైనిన్.. బ్లూ బెర్రీ ఆకుల తో చేసిన టీ లో పుదీనా ఆకులు, దాల్చినచెక్క వేసుకుంటే రెట్టింపు ప్రయోజనాల్ని పొందవచ్చు. ఈ రెండింటిలోనూ మధుమేహాన్ని నియంత్రించే గుణాలు ఉన్నాయి. ముఖ్యంగా టైప్ 2 డయాబెటిస్ ఉన్న వారికి మేలు చేస్తాయి ఈ ఆకుల టీ. మధుమేహం ఉన్న వారికి బ్లూ బెర్రీస్ ఆకుల టి మేలు చేస్తుంది.