Tragedy: ఏలూరు జిల్లా జంగారెడ్డిగూడెం మండలం దేవులపల్లిలో తీవ్ర విషాదకర సంఘటన జరిగింది. విద్యుతాఘాతంతో ఇద్దరు అన్నతమ్ములు సజీవ దహనం అయ్యారు. ఈ ఘటన ఆ కుటుంబంలో తీవ్ర విషాదాన్ని నింపింది. చేతికి అందివచ్చిన ఇద్దరు కుమారులు మృతితో తల్లిదండ్రులు కన్నీరు మున్నీరుగా విలపిస్తున్నారు. విద్యుత్ శాఖ అధికారుల నిర్లక్ష్యం వల్లనే ఈ ప్రమాదం జరిగినట్లు బాధిత వర్గాలు ఆరోపిస్తున్నాయి. వివరాల్లోకి వెళితే.. వెవులపల్లి గ్రామానికి చెందిన అన్నతమ్ములు వల్లేపల్లి నాగేంద్ర (21), వల్లేపల్లి ఫణీంద్ర (19) పాలు తీసుకువచ్చేందుకు బైక్ పై పొలం వద్దకు వెళుతుండగా, మార్గమధ్యలో వీరి బైక్ పై 11 కేవి విద్యుత్ వైర్ తెగి పడింది. దీంతో ఒక్క సారిగా మంటలు చెలరేగడంతో బైక్ పై ఉన్న ఇద్దరు అన్నతమ్ములు అక్కడికక్కడే సజీవ దహనం అయ్యారు.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
మృతుల్లో నాగేంద్ర ఇంజనీరింగ్ ఫైనల్ ఇయర్ చదువుతుండగా, ఫణీంద్ర ఇంటర్ పూర్తి చేశారు. చేతికి అందివచ్చిన కుమారులు ఇద్దరూ విద్యుతాఘాతంతో అసువులు బాయటంతో తల్లిదండ్రులు కన్నీరు మున్నీరుగా విలపిస్తున్నారు. ఈ ఘటనతో గ్రామంలో విషాదఛ్చాయలు అలుముకున్నాయి. విషయం తెలిసిన వెంటనే పోలీస్, విద్యుత్ శాఖ అధికారులు ఘటనా స్థలానికి చేరుకున్నారు. పోలీసులు కేసు నమోదు చేసి దర్యాప్తు చేస్తున్నారు. విద్యుత్ శాఖ అధికారుల నిర్లక్ష్యమే ఈ ప్రమాదానికి కారణమని గ్రామస్తులు ఆగ్రహం వ్యక్తం చేస్తున్నారు. బాధిత కుటుంబానికి రూ.25 లక్షల చొప్పున పరిహారం అందించాలని డిమాండ్ చేస్తున్నారు. దీనికి కారణమైన అధికారులపై చరయ్లు తీసుకోవాలని గ్రామస్తులు కోరుతున్నారు.