Mega 154: కొరటాల శివ దర్శకత్వంలో ఆచార్య దాదాపు కరోనా కారణంగా రెండు సంవత్సరాల కంటే ఎక్కువగానే టైం తీసుకుని తెరకెక్కించి విడుదల చేస్తే అట్టర్ ఫ్లాప్ కావడం తెలిసిందే. దీంతో తక్కువ టైంలోనే ఎక్కువ సినిమాలు రిలీజ్ చేసి తరహాలో మెగాస్టార్ చిరంజీవి డిసైడ్ అయినట్లు తాజా పరిణామాలను బట్టి తెలుస్తోంది. ప్రస్తుతం ఇండస్ట్రీలో ఏ హీరోకి లేని రీతిలో మెగాస్టార్ చిరంజీవి చేతిలో దాదాపు అరడజను సినిమాలు ఉన్నట్టు టాక్. ప్రస్తుతం మోహన్ రాజా దర్శకత్వంలో “గాడ్ ఫాదర్” సినిమా చేస్తున్నారు. మలయాళం “లూసిఫర్” సినిమాకి రీమేక్ గా తెరకెక్కుతున్న ఈ సినిమా షూటింగ్ చాలా శరవేగంగా సాగుతోంది. ఈ సినిమాలో నయనతార చిరంజీవి చెల్లెలి పాత్రలో నటిస్తోంది. దాదాపు షూటింగ్ తుది దశకు చేరుకుంది. చిరంజీవితో పాటు బాలీవుడ్ కండల వీరుడు సల్మాన్ ఖాన్ కూడా కీలక పాత్ర పోషిస్తున్నారు.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
ఇదిలా ఉంటే డైరెక్టర్ బాబీ దర్శకత్వంలో కూడా చిరంజీవి సినిమా చేస్తున్న సంగతి తెలిసిందే. ఈ సినిమాకి దేవిశ్రీప్రసాద్ సంగీతం అందిస్తున్నారు. అయితే సినిమా షూటింగ్ ఇంకా ప్రారంభం కాకుండానే వచ్చే సంక్రాంతి పండుగకు సినిమా రిలీజ్ చేస్తున్నట్లు తాజాగా సినిమా యూనిట్ అధికారికంగా ప్రకటన చేయడం జరిగింది. 2023 జనవరి సంక్రాంతికి కలుద్దాం.. అంటూ పోస్టర్ రిలీజ్ చేశారు. ఈ సినిమా మాత్రమే కాదు ప్రస్తుతం “గాడ్ ఫాదర్” తో పాటు మెహర్ రమేష్ దర్శకత్వంలో “బోలా శంకర్” సినిమా షూటింగ్ కూడా చిరంజీవి చేస్తూ ఉన్నారు. వరుస పెట్టి రెండు సినిమా షూటింగ్ లలో చిరంజీవి పాల్గొంటున్నారు.
ఇందులో “గాడ్ ఫాదర్” దసరా పండుగకు రిలీజ్ కానున్నట్లు సమాచారం. “బోలా శంకర్” ఈ ఏడాది చివరిలో విడుదల చేసే ఆలోచనలో ఉన్నట్లు టాక్. ఇదిలా ఉంటే బాబీ దర్శకత్వంలో నటించబోయే సినిమా సంక్రాంతికి విడుదల చేస్తారని తాజాగా ప్రకటన చేయగానే సినిమా టైటిల్ కి సంబంధించి “వాల్తేరు వీరయ్య” అని అంటున్నారు. “ముఠామేస్త్రి” తరహాలో చిరంజీవి ఈ సినిమాలో ఉరా మాస్ పాత్ర చేయనున్నట్లు ఇండస్ట్రీలో టాక్ నడుస్తోంది.
Geetu royal: 5 నెలలుగా నరకం అనుభవిస్తున్న గీతు రాయల్.. కార‌ణం ఇదే..!