అబ్బో, సమంత చాలా బాలీవుడ్ సినిమాలనే లైన్‌లో పెట్టిందిగా..!

ప్రస్తుతం టాలీవుడ్ స్టార్ హీరోయిన్ సమంత ఫోకస్ మొత్తం బాలీవుడ్‌పైనే ఉంది. ఫ్యామిలీ మ్యాన్ సీజన్ 2లో రాజీ రోల్ చేశాక ఆమెకు బాలీవుడ్‌లో చాలా అవకాశాలకు డోర్స్ ఓపెన్ అయ్యాయి. ఈ ముద్దుగుమ్మ పుష్ప సినిమాలో ‘ఊ అంటావా’ అనే ఐటమ్ సాంగ్‌తో బాలీవుడ్ కుర్ర ఫ్యాన్స్‌ హృదయాలను కొల్లగొట్టింది. ఈ సాంగ్‌తో ఆమె హిందీ ప్రేక్షకులకు మరింత దగ్గరైంది. ఆ విధంగా బాలీవుడ్‌కి బాగా పరిచయస్థురాలు కావడంతో అక్కడి హీరోలు, దర్శకులు ఈమెతో సినిమాలు చేసేందుకు ఆసక్తి చూపుతున్నారు. అలా ఈ ముద్దుగుమ్మ ఒకేసారి చాలా బాలీవుడ్ సినిమాలను లైన్‌లో పెట్టగలిగిందని తెలుస్తోంది.

 చాలా సినిమాలనే లైన్‌లో పెట్టిన తార

ఆయుష్మాన్ ఖురానా మూవీతో సమంత బాలీవుడ్‌ డెబ్యూ ఇవ్వనుందని ఇప్పటికే బాలీవుడ్ మీడియా వర్గాలు కోడై కూస్తున్నాయి. అయితే తాజాగా ఈ అందాల తార బాలీవుడ్ దిగ్గజ హీరో అక్షయ్ కుమార్‌తో ఆన్-స్క్రీన్ రొమాన్స్ చేయనుందని వార్తలు వస్తున్నాయి. అలానే యూరి మూవీ ఫేమ్ విక్కీ కౌశల్ సరసన ఒక భారీ బడ్జెట్ మూవీలో నటించబోతుందనే టాక్ నడుస్తోంది. సాధారణంగా సౌత్ యాక్ట్రెస్‌లు బాలీవుడ్ హీరోల సరసన నటించే ఛాన్స్ కొట్టేయడం చాలా తక్కువ. అయితే సమంత ఒక సౌత్ స్టార్ అయి ఉండి… కుర్ర హీరోలతోనే కాదు సీనియర్ హీరోలతో కూడా జత కడుతూ తనకున్న క్రేజ్ ఏంటో నిరూపిస్తోంది.

మరింత సమాచారం

విక్కీ కౌశల్, ఆదిత్య ధర్ కాంబినేషన్‌లో వస్తున్న ‘ది ఇమ్మోర్టల్ అశ్వత్థామ’ మూవీలో సామ్ నటించనుందని సమాచారం. ఆదిత్య ధర్ విక్కీ సరసన హీరోయిన్‌గా సమంతని అనుకుంటున్నాడని.. ఈ మేరకు ఆమెతో చర్చలు కూడా జరుపుతున్నాడని ఇన్‌సైడ్ టాక్. విక్కీ ప్రస్తుతం ‘సామ్ బహదుర్’ సినిమా షూటింగ్‌లో బిజీగా వున్నాడు. 6-8 నెలలవరకు ఈ సినిమా కోసం తన సమయాన్ని కేటాయిస్తాడు. ఆ తరువాత ఇంకో సినిమా చేస్తాడు. ఆపై ఆదిత్య ధర్ మూవీ షూటింగ్ ప్రారంభించొచ్చు. కరణ్ జోహార్ నిర్మాణంలో రానున్న ఓ మూవీలో అక్షయ్ కుమార్ సరసన సమంత యాక్ట్ చేయవచ్చు. అలానే తాప్సీ పన్ను నిర్మించే ఒక లేడీ ఓరియంటెడ్ మూవీలో కూడా సామ్ నటించనుంది. ఈ విధంగా చూసుకుంటే సమంత నాలుగైదు బాలీవుడ్ సినిమాలలో నటించబోతుందన్నమాట. ఇక తెలుగులో యశోద, ఖుషి సినిమాలు కూడా ఆమె ఫ్యాన్స్‌ను అలరించనున్నాయి.