కొన్ని కాంబినేషన్స్ కోసం ప్రేక్షకులు చాలా ఆసక్తిగా ఎదురుచూస్తుంటారు. అలాంటి క్రేజీ కాంబినేషన్లో ఓ సినిమా రూపొందనుంది. ‘ఖైదీ నంబర్ 150’ చిత్రంతో హీరో రీ ఎంట్రీ ఇచ్చిన చిరంజీవి ప్రస్తుతం స్వాతంత్ర సమరయోధుడు ఉయ్యాలవాడ నరసింహారెడ్డి జీవిత కథ ఆధారంగా రూపొందుతున్న ‘సైరా నరసింహారెడ్డి’ చిత్రంలో నటిస్తున్న సంగతి తెలిసిందే. భారీ బడ్జెట్తో రూపొందుతున్న ఈ సినిమా షూటింగ్ శరవేగంగా జరుగుతోంది. కొణిదెల ప్రొడక్షన్ కంపెనీ పతాకంపై రామ్ చరణ్ ఈ చిత్రాన్ని నిర్మిస్తున్నారు. ఈ సినిమా తర్వాత కొరటాల శివ దర్శకత్వంలో ఓ సినిమా చేయబోతున్నారు చిరంజీవి. ఇదిలా ఉంటే తాజాగా చిరంజీవి మరో భారీ ప్రాజెక్ట్కి గ్రీన్ సిగ్నల్ ఇచ్చారని సమాచారం. విజువల్ వండర్స్ని క్రియేట్ చెయ్యడంలో దిట్టగా పేరు తెచ్చుకున్న శంకర్, మెగాస్టార్ చిరంజీవి కలయికలో ఓ భారీ చిత్రం ప్లానింగ్లో ఉందని తెలుస్తోంది. కమల్హాసన్ హీరోగా ‘ఇండియన్ 2’ చిత్రాన్ని తీర్చిదిద్దుతున్న శంకర్ తన తర్వాతి సినిమాను చిరంజీవితో చేసే అవకాశం ఉందని తెలుస్తోంది. అయితే దీనికి సంబంధించిన అధికారిక ప్రకటన వెలువడాల్సి ఉంది.
previous post
next post
Baahubali: సరికొత్త కథతో ఓటీటీలోకి వచ్చేస్తున్న బాహుబలి.. రిలీజ్ డేట్ ఇదే..!